ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

جايىقتىڭ سۋى شەكتى دەڭگەيدەن اسىپ كەتتى

26 مامىر 2024 278

اتىراۋ وبلىسىنداعى جايىق وزەنىنىڭ سۋ دەڭگەيى تۋرالى 26 مامىر كۇنگى 08:00 ساعاتتاعى مالىمەتتەر جاريالاندى، دەپ جازادى Alash.kz.

اتىراۋ وبلىسىنىڭ تج جونىندەگى جەدەل شتابى تاراتقان دەرەك بويىنشا، يندەربور اۋىلىندا - 7 سم، سۋ دەڭگەيى - 982 سم، شەكتى دەڭگەيى - 845 سم؛

ماحامبەت اۋىلىندا - 5 سم، سۋ دەڭگەيى - 1020 سم، شەكتى دەڭگەيى - 850 سم؛

اتىراۋ قالاسىندا + 4 سم، سۋ دەڭگەيى - 595 سم، شەكتى دەڭگەيى - 550 سم؛

جاڭاتالاپ اۋىلى +3 سم، سۋ دەڭگەيى - 430 سم، شەكتى دەڭگەيى - 500 سم؛

ەركىنقالا اۋىلى +3 سم، سۋ دەڭگەيى - 387 سم، شەكتى دەڭگەيى - 450 سم.

ايتا كەتەيىك، وتكەن تۇندە اتىراۋ وبلىسىنداعى تالدىكول اۋىلىنىڭ تۇرعىندارى ەۆاكۋاسيالاندى. اۋىل جولىنىڭ ۇستىنەن سۋ جۇرۋىنە بايلانىستى جەرگىلىكتى تۇرعىنداردى الدىن الا ەۆاكۋاسيالاۋ تۋرالى شەشىم قابىلداندى. 121 ادام، ونىڭ ىشىندە 41 بالا ءجۇزۋ قۇرالدارىنىڭ كومەگىمەن اۋىلدان كەتتى. 26 اۋىل تۇرعىنى اتىراۋ قالاسىنىڭ ەۆاكۋاسيالىق پۋنكتتەرىنە جەتكىزىلىپ، ورنالاستىرىلدى. 90-نان استام ادام تۋىستارىنىڭ ۇيلەرىنە باردى.

بۇل ماقالا تۋرالى نە ويلايسىز؟