ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اعا مەنى قۇتقار، ولتىرەدى: جوعالىپ كەتكەن جاندوس ءالى تابىلمادى

21 مامىر 2024 298

وسكەمەندە “ەرتىس وزەنىنە سەكىرىپ كەتتى” دەپ حابارلانعان 22 جاستاعى جاندوس بايانوۆ بىرنەشە كۇننەن بەرى تابىلماي جاتىر. بۇل تۋرالى Bizdin Oskemen سايتى حابارلادى.

اعاسى ىزدەۋ جۇمىسىنا كوڭىلى تولمايتىنىن ايتتى.

– قۇتقارۋشىلار ءبىر عانا قايىقپەن ىزدەپ جاتىر. اراسىندا ءوزىم دە ولارمەن بىرگە وزەن بەتىنە شىقتىم. ماشينەمەن دە ەرتىس وزەنىنىڭ جاعالاۋىن كۇندە قاراپ ءجۇرمىن. ءبىراق تابا المادىق. سۋعا 15 مامىردان 16 مامىرعا اۋعان ءتۇنى ساعات 00.45 شاماسىندا سەكىرگەن. قۇتقارۋشىلار ىزدەۋگە بىردەن كوشكەن جوق، — دەدى ايبول بايانوۆ.

وبلىستىق توتەنشە جاعدايلار دەپارتامەنتىنىڭ باسپا ءسوز حاتشىسى، ىزدەۋ پوليسيادان شاعىم كەلگەن ساتتە باستالدى دەگەندى ايتادى. 

– ىزدەۋ جۇمىستارى جۇگىنگەن ۋاقىتتان، اتاپ ايتقاندا 2024 جىلعى 16 مامىردان باستاپ باستالدى. كۇن سايىن قايىقتاعى قۇتقارۋشىلار جاعالاۋ سىزىعىن زەرتتەيدى، ىزدەۋ جۇمىستارىنا كۇشتى اعىن مەن سۋ ايماعىنىڭ ۇزىندىعى قيىندىق تۋعىزىپ وتىر.
ىزدەۋلەر پرەدگورنوە كەنتىنە دەيىن جۇرگىزىلدى جانە قازىرگى ۋاقىتتا ءاربىر ۋچاسكە ەگجەي-تەگجەيلى تەكسەرىلەدى، – دەيدى دەپارتامەنت.

 

بۇل ماقالا تۋرالى نە ويلايسىز؟