ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«حالىقتىڭ وتە ۇلكەن كۇش ەكەندىگىن سەزىندىم» - يسلام ابىشيەۆ

15 قاڭتار 2024 51
ءىستى بولعان ەكس-شەنەۋنىك يسلام ابىشە العاش رەت سۇحبات بەردى دەپ حابارلايدى sn.kz.

https://youtu.be/6bAfRmh1d_c؟si=B0ZI2UGoIWc_A75K

بۇرىنعى مەملەكەتتىك قىزمەتكەر، اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ ەكس-توراعاسى يسلام ابىشيەۆ «Qasqa Jol» يۋتۋب-ارناسىندا قوناقتا بولدى. پارا الدى دەگەن ايىپپەن بەس جىلعا سوتتالىپ، مەرزىمىنەن بۇرىن بوساتىلعان ەكس-شەنەۋنىك بۇل وقيعانىڭ قالاي ورىن العانىن، كىم قولداۋ كورسەتكەنىن ايتتى، دەپ حابارلايدى Skifnews.kz اقپارات پورتالى.

ونىڭ ايتۋىنشا، سوتتالۋعا قاتىستى العاش رەت ۇلكەن سۇحبات بەرىپ، ءمان-جايدى تولىق بايانداپ وتىر. ءىستى بولعان بۇرىنعى شەنەۋنىكتى 300 مىڭنان استام ادام قولداعان.

ماعان سەنىم ءبىلدىرىپ، مەنى قولداعان ازاماتتاردىڭ بارلىعىنا ۇلكەن ريزاشىلىعىمدى بىلدىرەمىن. حالىقتىڭ وتە ۇلكەن كۇش ەكەندىگىن سەزىندىم. ءوزىمنىڭ بوستان-بوسقا كۇرەسپەگەنىمە قۋانامىن. قولداعان ادامداردىڭ بارلىعىنا، قول قويماسا دا، تىلەكتەس بولعان ادامدارعا شىن جۇرەگىممەن ريزاشىلىعىمدى بىلدىرەمىن، - دەدى ول.

قول قويعان 300 مىڭنان استام ادام ءاتى-جونىن جازىپ، جۇمىس ورىندارىن، تەلەفون ءنومىرىن، ءتىپتى قۇجاتتارىنىڭ نومىرىنە دەيىن جازىپ قولداعان.

بىرەۋدى الداپ قول قويدىرا المايسىڭ. الداپ، 100-1000 ادامعا قويدىراسىڭ، جالىنىپ تاعى مىڭ ادامعا قول قويدىراسىڭ – 300 مىڭعا جۋىق ادامعا قول قويدىرۋ ول كەز-كەلگەن شەنەۋنىك ءۇشىن، ازامات ءۇشىن ۇلكەن باقىت!، - دەدى يسلام ابىشيەۆ.

 
بۇل ماقالا تۋرالى نە ويلايسىز؟