استانا
باس قالا بولعان سوڭ با، الدە بيۋدجەت قارجىسى بولىنەتىن اكىمشىلىك ورتالىق ورنالاسقاندىقتان با، ايتەۋىر استانانى بەزەندىرۋگە ەڭ كوپ قاراجات جۇمسالعان ەكەن. قالانى بەزەندىرۋگە بىلتىرعى گيرلياندالار مەن قوندىرعىلاردىڭ ءبىرازى قولدانىلعانىنا قاراماستان، 836 ملن تەڭگە جۇمساعان.
قالا اكىمدىگىنىڭ مالىمەتىنشە، بۇل قاراجاتقا مۇز ايدىندارى، سىرعاناقتار مەن شاعىن ارحيتەكتۋرالىق فيگۋرالار، فوتوايماقتار جانە باسقا ەلەمەنتتەر سالىنعان.
ابىروي بولعاندا، جەل قاتتى سوعاتىن استانادا ەلدىڭ سولتۇستىك پەن شىعىس ايماقتارىنداعىداي شىرشا ۇشىپ، ويىنشىقتار قيراپ جاتقان جوق.
الماتى
ال جىل سايىن جاڭا جىلدىق ارلەۋگە رەكوردتىق قارجى بولەتىن الماتىدا وسى جولى جاڭا جىلدىق بەزەندىرۋ جۇمىستارىنا «ءار اۋدانعا جەكە-جەكە 60 ملن تەڭگە شاماسىندا اقشا ءبولىنىپ، جالپى 512 ملن تەڭگە جۇمسالادى» دەگەن اقپاراتتى اكىمدىك تاراتقان. الايدا factcheck.kz مالىمەتى بويىنشا، ءار اۋدانعا 60 ملن ەمەسە، 65 ملن تەڭگەدەن ارتىق اقشا بولىنگەن جانە باسقا دا قوسىمدا بەزەندىرۋ جۇمىستارىن قوسقاندا جالپى شىعىن 735 269 699 تەڭگە دەپ ەسەپتەپتى.
الماتىلىقتار ميلليونداعان بيۋدجەت قاراجاتى جۇمسالعان قالانىڭ جاڭا جىلدىق بەزەندىرۋىنە ءسۇيسىندى دەپ سەنەيىك. سەبەبى الماتىنىڭ اۋا رايى كوشەدە ۇزاق سەرۋەندەۋگە قولايلى، ءارى بوران سوعىپ، شىرشانى قۇلاتادى دەپ الاڭدامايدى.
جىل سايىن ەلدەگى جاڭا جىلدىق شارالارعا قاتىستى ءبىر شۋ شىعىپ جاتادى. بيىل دا ءراسىم تىنىش وتكەن جوق. وسى جولى جۇرتتىڭ نازارىن پاۆلودار بۇردى. قالا اكىمدىگى بيىل 53 ملن تەڭگەگە (بەيرەسمي مالىمەت بويىنشا 60 ملن تەڭگە) مۇز قالاشىعىن سالعىزعانىن مالىمدەگەن، ءبىراق ول ەرىپ كەتىپ، بيۋدجەتتىڭ اقشاسى سۋ بوپ اقتى. بىلتىر دا ءدال وسىنداي جاعداي بولعان. 2023 جىلدى قارسى الامىز دەپ جۇرگەندە 53 ملن تەڭگەگە سالىنعان مۇز قالاشىقتىڭ جارتىسى ەرىپ كەتكەن بولاتىن.
ال شىرشا قۇرۋعا پاۆلودار تاعى 52 ملن تەڭگە شىعىنداعان، سەبەبى بۇرىنعى شىرشا 12 جىل تۇرىپتى. ەسكە سالساق، بىلتىر پاۆلوداردىڭ جاڭا جىلدىق بەزەندىرۋىنە 33 ملن تەڭگە جۇمسالعان.
بيىلعى سۋ جاڭا شىرشا جۇرتتىڭ كوز قۋانىشى بولىپ كوپ تۇرمادى. ورتالىق شىرشا سولتۇستىكتىڭ بورانىنا شىدامادى. ويىنشىقتار مەن گيرلياندالارمەن بەزەندىرىلگەن الىپ شىرشا جالپ ەتىپ، قۇلاپ قالدى.
سەمەي
جاڭا جىل مەرەكەسىنەن سوڭ سەمەي قالاسىندا دا شىرشا قاتتى جەلدەن قۇلاپ قالدى. 2023 جىلى وبلىس ورتالىعى ستاتۋسىن العان سەمەي بيىل جاڭا شىرشا الىپ شىعىندالماپتى. ءبىراق گيرلياندالار مەن جارىق ينستاللياسياسىنا 10 ملن تەڭگە جۇمساعان. بيىكتىگى 19 مەتر بولاتىن باس شىرشانى بەزەندىرۋگە 2000 مەتر جارىق ديودتى گيرلياندا مەن جۇزدەن استام ويىنشىق قولدانىلعان.
تاراز
جامبىل وبلىسى دا بيىل شىرشاسىن جاڭارتپاپتى. تارازدا شىرشا دا، گيرلياندا مەن باسقا دا ارلەۋ زاتتارى بىلتىردان قالعان ەكەن. ەسەسىنە، تاراز اقشا ۇنەمدەپتى. ەسكى شاھاردا شىرشا ماڭىن بەزەندىرۋ مەن فوتوايماق جاساۋعا 7 ملن 200 مىڭ تەڭگە جۇمسالعان ەكەن. ال بىلتىر تارازدى بەزەندىرۋگە 19 ملن تەڭگەدەن اسا اقشا كەتكەن.
قوستاناي
سولتۇستىكتىڭ تاعى ءبىر قالاسى – قوستانايعا شىرشا قۇرىپ، قالانى بەزەندىرۋگە پاۆلوداردان 3،5 ەسە از اقشا جۇمسالعان. ياعني، جىل مەرەكەسىنە قوستاناي اكىمدىگى 27 ملن تەڭگە جۇمساپتى. بۇل وتكەن جىلمەن سالىستىرعاندا 10 ملن تەڭگەگە از. دەسەدە، 27 ملن تەڭگە دە از اقشا ەمەس.
قىزىلوردا
قىزىلوردادا اكىمدىك الدىنا شىرشا ورناتىپ، قالانى جارىق شامدارمەن بەزەندىرۋگە بيۋدجەت ەسەبىنەن 13 ملن تەڭگە بولىنگەن. سونداي-اق، دەمەۋشىلەردىڭ دە كومەگىنە جۇگىنگەن كورىنەدى.
ورال
تەك شىرشانىڭ وزىنە 7 ملن تەڭگە جۇمساعان ورال اكىمدىگى قالانى جارىقپەن ارلەۋ ءۇشىن بيۋدجەتتەن 15 ملن تەڭگە العان. سوندا، جالپى سومماسى 22 ملن تەڭگە شىققان.
شىعىنسىز جاڭا جىل
ەلىمىزدە بيۋدجەتتەن ءبىر تيىن الماي، جاڭا جىلدىق بەزەندىرۋدى باسقالاردان قالىسپاي جاساعان وبلىستار دا بار. ولار: تۇركىستان، اقتوبە جانە پەتروپاۆل. بۇل وبلىستاردا شىرشا قۇرۋ، قالانى گيرلياندامەن بەزەندىرۋ جانە باسقا دا ساندەۋ جۇمىستارىنا مەملەكەت قاراجاتى جۇمسالماعان.
