ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ول كىسى ءتىرى. نازاربايەۆ تا ونىمەن ساناسپايتىن". سارا الپىس قىزىنىڭ قازىرگى جاعدايى قالاي؟

16 قاڭتار 2024 50
شابداربايەۆ سارا نازاربايەۆا مەن ەكس-پرەزيدەنتتىڭ قارىم-قاتىناسى جايلى ايتتى.

دىنمۇحامەد قونايەۆ جانە نۇرسۇلتان نازاربايەۆتىڭ دا جەكە كۇزەتىنىڭ باستىعى بولعان، ءبىر كەزدەرى ۇلتتىق قاۋىپسىزدىك كوميتەتىن باسقارعان امانگەلدى شابداربايەۆ قوس ليدەردىڭ جۇبايلارى تۋرالى تاLK LIKE YouTube-ارناسىنا بەرگەن سۇحباتىندا ايتتى.

«نۇرسۇلتان نازاربايەۆتىڭ ءبىرىنشى جارى سارا الپىس قىزى تىكە ايتاتىن. باسقا ايەلدەرى پايدا بولعان كەزدە ەكەۋىنىڭ اراسى قاتتى سۋىپ كەتتى. سارا الپىس قىزى – قاراپايىم ادام. ديماش احمەت ۇلىنىڭ (قونايەۆ – رەد) ايەلى وتە ءبىلىمدى بولعان. ول قۇدايعا سەنەتىن، كىشكەنتاي قۇرانى بار ەدى. ءومىرى داۋىسىن كوتەرىپ سويلەگەنىن بايقامادىم، ەركەلەيتىن. ديماش احمەت ۇلى ونى ەركەلەتەتىن، ەكەۋىنىڭ اراسىندا بالا بولمادى عوي. ال سارا الپىس قىزى نۇرسۇلتان ءابىش ۇلىنىڭ ساياسي شەشىمدەرىنە ارالاسپادى. نازاربايەۆ تا ونىمەن ساناسپايتىن. ول كىسى ءتىرى. نە قۇدالارمەن دە، باسقالارىمەن دە بايلانىسى جوق»، – دەيدى امانگەلدى شابداربايەۆ.

وتستاۆكاداعى گەنەرال سارا نازاربايەۆانىڭ ءقازىر ارالاساتىن جاقىن تانىستارى دا جوق دەپ وتىر.

«ءوزى سونداي ادام. وزىمەن-وزى. ۇناماسا ايتادى. سارا الپىس قىزى مەنى كەيىن جەك كورىپ كەتتى. مەن راحات الييەۆكە ءتيىستىم عوي. داريعا ەكەۋى مەنى سارا الپىسقىزىنا قارسى قويدى»، – دەدى ول.
بۇل ماقالا تۋرالى نە ويلايسىز؟