امەريكاندىق Forbes جۋرنالى ميللياردەرلەردىڭ جاڭارتىلعان ءتىزىمىن ۇسىندى.
نە بولدى
Forbes نۇسقاسى بويىنشا ميللياردەرلەردىڭ جاڭارتىلعان تىزىمىندە التى قازاقستاندىق بار ەكەنى بەلگىلى بولدى.
ەگجەي-تەگجەي
ميللياردەرلەر رەيتينگىنىڭ باسىندا LVMH باسشىسى بەرنارد ارنو تۇر، ونىڭ بايلىعى 233 ميلليارد دوللارعا باعالاندى. ەكىنشى ورىن 195 ميلليارد دوللار بايلىعىمەن يلون ماسكقا بەرىلگەن. ءۇشىنشى ورىندى Amazon باسشىسى دجەفف بەزوس يەلەندى - بايلىعى 194 ميلليارد دوللارعا باعالاندى.
قازاقستاندىقتار – Forbes-تە
Forbes تىزىمىندە تۇرعان قازاقستان ازاماتتارىنىڭ قاتارىندا تيمۋر مەن دينارا قۇلىبايەۆتار، ۆياچەسلاۆ كيم، تيمۋر تۋرلوۆ، ۆلاديمير كيم جانە بولات وتەمۇراتوۆ بار.
قۇلىبايەۆتار
Forbes مالىمەتتەرى بويىنشا قۇلىبايەۆتاردىڭ جيىنتىق بايلىعى 10 ملرد دوللاردى قۇرايدى – ولار رەيتينگتىڭ 612-پوزيسياسىندا ورنالاسقان. 2023 جىلعى رەيتينگپەن سالىستىرعاندا قۇلىبايەۆتار وتباسى بايلىقتارىن 1،5 ملرد دوللارعا ارتتىرعان.
ۆياچەسلاۆ كيم
Kaspi Bank ديرەكتورلار كەڭەسىنىڭ ءتوراعاسى رەيتينگتىڭ 511-قاتارىنا ورنالاستى. ونىڭ بايلىعى 5،8 ميلليارد دوللارعا باعالاندى. ول سونداي-اق 2023 جىلعى كورسەتكىشتەرمەن سالىستىرعاندا ءوز كاپيتالىن ارتتىرعان.
تيمۋر تۋرلوۆ
Freedom Holding باسشىسى تيمۋر تۋرلوۆ رەيتينگتىڭ 991-ورنىنا ورنالاستى - ونىڭ پوزيسياسى 2023 جىلمەن سالىستىرعاندا ناشارلاعان. بۇل رەتتە ول ءبىر جىل ىشىندە ءوزىنىڭ بايلىعىن 200 مىڭ دوللارعا ارتتىرىپتى. Forbes تۋرلوۆتىڭ بايلىعىن 3،3 ميلليارد دوللارعا باعالادى.
ۆلاديمير كيم
«قازاقمىس» مەتاللۋرگيالىق كومپانياسىنىڭ يەسى ۆلاديمير كيم رەيتينگكە سايكەس جەتىستىكتەرىمەن ماقتانا المايدى. ونىڭ اكتيۆتەرى ءبىر جىل ىشىندە 700 ميلليون دوللارعا ازايدى. بيىل ونىڭ بايلىعى 3،6 ميلليارد دوللارعا باعالاندى.
«قازاقمىستان» باسقا كيمنىڭ KAZ Minerals اكسيونەرلىك كومپانياسىندا ۇلەسى بار.
بولات وتەمۇراتوۆ
2،7 ملرد دوللار – 66 جاستاعى بولات وتەمۇراتوۆتىڭ بايلىعى. ول رەيتينگتىڭ 1238-پوزيسياسىندا ورنالاستى جانە ونىڭ جاعدايى ءبىر جىل ىشىندە وزگەرگەن جوق.
ميللياردەرلەر كوبەيدى
Forbes مالىمەتتەرى بويىنشا، وتكەن جىلمەن سالىستىرعاندا الەمدە ميللياردەرلەر سانى 141 ادامعا كوپ. ولاردىڭ جيىنتىق بايلىعى 14،2 تريلليون دوللاردى قۇرايدى. ميللياردەرلەردىڭ كوپشىلىگى اقش-تا تۇرادى.
