ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"دالا قىراندارى" جاستار قوعامدىق بىرلەستىگىمەن ىنتىماقتاستىق تۋرالى مەموراندۋم: سۋ باسقان اۋىل تۇرعىندارىنا قالاي كومەكتەسۋگە بولادى

12 ءساۋىر 2024 177
سۋ تاسقىنىنان زارداپ شەككەندەرگە كومەك كورسەتۋ بويىنشا كەزدەسۋ تۋريزم جانە سپورت مينيسترلىگىنىڭ قابىرعاسىندا ءوتتى، دەپ حابارلايدى madeniportal.kz.
ءىس-شاراعا قوعامدىق بىرلەستىكتىڭ وكىلدەرىنەن گرەك-ريم كۇرەسىنىڭ بالۋانى اسحات دىلمۇحامەدوۆ، ارالاس جەكپە-جەكتەن الەم چەمپيونى ۆاسيليي تاحتاي، «Qazaq Kuresi» اسسوسياسياسىنىڭ باس ديرەكتورى دامير بەكبوسىنوۆ، «دالا قىراندارى» جقب ديرەكتورى ءمادي رىمجانوۆ، مينيسترلىك تاراپىنان تۋريزم جانە سپورت ءمينيسترى ەرمەك مارجىقپايەۆ، سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەربول مىرزابوسىنوۆ قاتىستى.
 
 
سۋ تاسقىنىنان زارداپ شەككەندەرگە كومەك كورسەتۋ بويىنشا سپورتشىلاردىڭ ەرىكتىلەر قاتارىنا قوسىلۋىن تالقىلاۋ بارىسىندا «دالا قىراندارى» جاستار قوعامدىق بىرلەستىگى مەن تۋريزم جانە سپورت مينيسترلىگى اراسىندا ىنتىماقتاستىق تۋرالى مەموراندۋمعا قول قويىلدى.
 
«ەڭ الدىمەن قازىرگى قيىن كەزەڭدە كورسەتكەن ىزگى امال، جاقسى نيەت، قاجىرلى ەڭبەك ءۇشىن سىزدەرگە العىس ايتقىم كەلەدى! ءبىز سىزدەرمەن ماقتانامىز جانە ىنتىماقتاستىق ورناتقانىمىزعا قۋانىشتىمىز. كاسىبيلىكتەرىڭىزدى ءارقاشان جوعارى باعالايمىز. سىزدەر توزىمدىلىكتىڭ، اقكوڭىلدىكتىڭ جانە ەرلەرگە ءتان قاسيەتتىڭ جارقىن ۇلگىسىن كورسەتىپ جۇرسىزدەر»، - دەدى مينيستر.
 
ەستەرىڭىزگە سالا كەتەيىك، سپورت قاۋىمداستىعى «دالا قىراندارى» جاستار قوعامدىق بىرلەستىگى وكىلدەرىمەن بىرلەسىپ، سۋ تاسقىنىنان زارداپ شەككەن وڭىرلەرگە گۋمانيتارلىق كومەك كورسەتۋدە. سونىمەن قاتار ولار قۇتقارۋشىلار مەن جەرگىلىكتى اتقارۋشى ورگاندارعا سۋدى سورىپ، سۋ باسىپ قالعان جولداردى تازالاپ، توپىراق تاستاۋعا كومەكتەسەدى.
بۇل ماقالا تۋرالى نە ويلايسىز؟