ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«قيىن-قىستاۋ، قيلى زاماندا»: وسى ءانىم ءۇشىن حالىقتان كەشىرىم سۇرايمىن - اۆتور

11 ءساۋىر 2024 597

«قيىن-قىستاۋ، قيلى زاماندا» دەپ باستالاتىن «ءبىز بىرگەمىز» ءانى ءۇشىن اۆتور سىرىم اۋەزحان حالىقتان كەشىرىم سۇرادى، دەپ حابارلايدى Alash.kz.

ەلىمىزدەگى وڭىرلەردى توپان سۋ باسقالى بەرى الەۋمەتتىك جەلىلەردەگى ۆيدەولاردىڭ بارلىعىندا "ءبىز بىرگەمىز" ءانى قوسۋلى تۇرادى. حالىق بۇل ولەڭنەن شارشاعانىن، جانە قازاقستاندا "تۇك دايىن ەمەس، تەك وسى ولەڭ عانا بار" دەگەن پىكىرلەرىن جاۋدىرتا باستادى. قۇلسارى قالاسىنا گۋمانيتارلىق كومەك اپارعان سىرىم اۋەزحان قۇلسارى حالقى دا ءوز رەنىشتەرىن بىلدىرگەنىن ايتتى. 

«قيىن-قىستاۋ، قيلى زاماندا، نە بولماعان بايتاق دالامدا دەپ باستالاتىن ءاننىڭ اۆتورى مەن ەدىم. قۇلسارىعا كەلگەلى ەڭ كوپ ەستىگەنىم – وسى ءاندى قۇرتۋ كەرەك دەگەن ءسوز. حالىقتان كەشىرىم سۇرايمىن. ەكىنشىدەن، اننەن باسقا دا سەبەپتەردى قاراستىرىپ كورسەڭىزدەر دەگەن ۇسىنىس بار. وسى ءاننىڭ ارتىنان جاقسى ماعىنالى، ەلگە پايدالى، ەلدىڭ رۋحىن كوتەرەتىن ءان جازسام با دەگەن نيەت بار. سونداي انشىلەر بولسا حابارلاسىڭىزدار»، - دەدى ول.

 

بۇل ماقالا تۋرالى نە ويلايسىز؟