ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«دالا قىراندارى» جاستار قوعامدىق بىرلەستىگى تايتوبە اۋىلىنىڭ تۇرعىندارىنا كومەككە باردى

10 ءساۋىر 2024 151

2024 جىلعى 9 ساۋىردە، ساعات 10.00-دە «دالا قىراندارى» جاستار قوعامدىق بىرلەستىگى تايتوبە اۋىلىنا كەلە جاتقان اعىن سۋعا توسقاۋىل قويۋ جۇمىستارىن جۇرگىزدى، دەپ حابارلايدى Alash.KZ ۇلتتىق پورتالى. 

شاراعا قاتىسۋشىلار ەرىكتىلەردىڭ جيناۋ ورتالىعى ۇيىمداستىرىلعان گەيدار الييەۆ كوشەسى، 14 مەكەنجايىنداعى بىرلەستىكتىڭ شتابىندا جينالدى. بۇل جەردە قىراندار بىرنەشە جاساققا بولىگەننەن كەيىن كەنت باعىتىندا جولعا شىقتى.

   

ەسكە سالساق، «دالا قىراندارى» جقب ناۋرىز ايىندا قوياندى اۋىلىنىڭ تۇرعىندارىنا كومەككە كەلگەن بولاتىن. ءبىزدىڭ قىراندار اۋلالاردى ەرىپ ۇلگەرمەگەن قاردان تازارتۋ ارقىلى جەرگىلىكتى تۇرعىنداردىڭ باسپانالارىنا قىزىل سۋدىڭ كىرۋىنە جول بەرمەدى. ال 3 ءساۋىر كۇنى استاناداعى گۋمانيتارلىق كومەك جيناۋ نۇكتەسىنە كومەكتەستى. بۇل جولى قاجەتتى زاتتاردى ساتىپ الۋعا كومەكتەسۋمەن بولەك، قايىرىمدى ازاماتتار جىبەرگەن ازىق-تۇلىك جانە باسقا دا دۇنيەلەردى سول جەردە تۇگەندەپ، ولاردى ەلىمىزدىڭ سۋ باسقان اۋداندارىنا ودان ءارى تاسىمالداۋ ءۇشىن كولىكتەرگە تيەدى.

ايتا كەتەيىك، «دالا قىراندارى» – قازاقستاننىڭ قوعامىن تۇبەگەيلى وزگەرتۋگە دايىن بەلسەندى ءارى ماقساتتى جاستاردىڭ باسىن ءبىر جەرگە توعىستىراتىن جاستار قوعامدىق بىرلەستىگى.

 

بۇل ماقالا تۋرالى نە ويلايسىز؟