ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

“دالا قىراندارى" جاستار قوعامدىق بىرلەستىگى الكوگولدى ساتۋ نۇكتەلەرىن انىقتاۋ بويىنشا كەزەكتى رەيد وتكىزدى

05 ماۋسىم 2024 120

“دالا قىراندارى" جاستار قوعامدىق بىرلەستىگى 2024 جىلدىڭ 5 ماۋسىم كۇنى قولدان جاسالعان الكوگولدى ساتۋ نۇكتەلەرىن انىقتاۋ بويىنشا كەزەكتى رەيد وتكىزدى، دەپ حابارلايدى Alash.KZ ۇلتتىق پورتالى. 

2024 جىلعى ماۋسىمداعى جاعداي بويىنشا "دالا قىراندارىنىڭ" قاتىسۋشىلارى استانانىڭ ءبىر عانا “بايقوڭىر” اۋدانىندا قولدان جاسالعان الكوگول ساتۋدىڭ 10-عا جۋىق نۇكتەسىن انىقتاپ، 200 ليتر الكوگولدىك ىشىمدىكتى تاركىلەدى.

ازاماتتىق باقىلاۋ بارىسىندا 21 جاسقا تولماعان ۇيىمىمىزدىڭ مۇشەسى “الماتى” اۋدانىندا ورنالاسقان "ولجا" دۇكەنىندە (ەسىل ك.، 38ا) اكسيزدىك ماركالارسىز ساتىلاتىن قولدان جاسالعان الكوگولدى ساتىپ الدى. ءبىز بىردەن بولعان وقيعا تۋرالى قۇقىق قورعاۋ ورگاندارىنا حابارلادىق. وقيعا ورنىنا جەتكەن پوليسيا قىزمەتكەرلەرى دۇكەن يەسىنە اكىمشىلىك حاتتاما تولتىردى.

"دالا قىراندارىنىڭ" قاتىسۋشىلارى مۇنداي باستامالار قالانىڭ بەلسەندى تۇرعىندارىن ىنتالاندىرادى دەپ ۇمىتتەنەدى. بۇل بىرلەسكەن ءىس-قيمىلدار جەرگىلىكتى ماسەلەلەردى ءتيىمدى شەشۋگە بولاتىنىن جانە استاناداعى ءومىردى جاقسارتۋعا ىقپال ەتەتىنىن كورسەتەدى.

ەستەرىڭىزگە سالا كەتەيىك، بىرلەستىك 2023 جىلدىڭ جەلتوقسان ايىندا قولدان جاسالعان الكوگولدى زاڭسىز ساتۋدى، ەسىرتكى تاراتۋدى جانە باسقا دا قۇقىقبۇزۋشىلىقتاردى انىقتاۋ ماقساتىندا استانا قالاسىنىڭ “بايقوڭىر” اۋدانىنا ازاماتتىق باقىلاۋ ۇيىمداستىرعان بولاتىن.

بايلانىس:

كەز كەلگەن قوسىمشا اقپارات الۋ ءۇشىن كەلەسى نومىرگە حابارلاسىڭىز +7 705 306 63 66، [email protected] (انەل).

ورايى كەلگەندە ايتا كەتەيى،«دالا قىراندارى» – قازاقستاننىڭ قوعامىن تۇبەگەيلى وزگەرتۋگە دايىن بەلسەندى ءارى ماقساتتى جاستاردىڭ باسىن ءبىر جەرگە توعىستىراتىن جاستار قوعامدىق بىرلەستىگى.

بۇل ماقالا تۋرالى نە ويلايسىز؟