ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سينگاپۋردا عىلىمي كادرلارىمىزدى وقىتاتىن بولدىق - مەملەكەت باسشىسى

31 مامىر 2024 284

بۇل تۋرالى بۇگىن قازاقستان پرەزيدەنتى ق.توقايەۆ عالىمدارمەن كەزدەسۋدە ايتتى دەپ، حابارلايدى Alash.kz.

جيىندا مەملەكەت باسشىسى: 
«وزدەرىڭىزگە ءمالىم، عىلىمعا بولىنەتىن قارجى ۇدايى ارتىپ كەلەدى. بىلىكتى كادرلار ازىرلەۋگە ارنالعان گرانت سانى سوڭعى جىلدارى ءبىر جارىم ەسە كوبەيدى.

قازاقستاندا الەمنىڭ بەدەلدى 12 جوعارى وقۋ ورنىنىڭ فيليالى جۇمىس ىستەپ تۇر. كوپ ۇزاماي تاعى بىرنەشەۋى اشىلادى. زەرتتەۋ جۇمىستارىمەن اينالىساتىن ۋنيۆەرسيتەتتەر كوبەيۋدە. تەحنولوگيا پاركتەرى جانە ينجينيرينگ ورتالىقتارى اشىلىپ جاتىر. جىل سايىن 500 عالىم شەتەلدە تاعىلىمدامادان وتەدى. مينيسترلىك جاس عالىمدارعا مىڭداعان گرانت ءبولىپ جاتىر. مۇنىڭ ءبارى عىلىمدى دامىتۋعا وڭ ىقپالىن تيگىزەدى دەپ ويلايمىن.


مەن شەتەلگە ساپارلارىم كەزىندە عالىمدارمەن ءجيى كەزدەسەمىن. ولاردى قازاق عالىمدارىمەن تىعىز بايلانىس ورناتۋعا شاقىرامىن. وتكەن اپتادا سينگاپۋرلىق عالىمدارمەن جانە ونداعى جوعارى وقۋ ورىندارىنىڭ رەكتورلارىمەن ارنايى جۇزدەستىم. ەندى سينگاپۋردا عىلىمي كادرلارىمىزدى وقىتاتىن بولدىق. جالپى، سينگاپۋر سياقتى ەكونوميكاسى وزىق ەلدەردەن كوپ نارسە ۇيرەنۋگە بولادى - دەدى.

پوستيندۋستريالدى داۋىردە الەمگە اشىق بولۋ جانە يننوۆاسياعا ۇمتىلۋ كەز كەلگەن ەلدىڭ تابىسقا جەتۋى ءۇشىن اسا ماڭىزدى فاكتور سانالادى. سوندىقتان ۇزدىك حالىقارالىق تاجىريبەنى مۇقيات زەرتتەيمىز جانە ودان ۇلگى الامىز. وزىق تەحنولوگيالار مەن يدەيالاردى ەنگىزەمىز» دەدى.

بۇل ماقالا تۋرالى نە ويلايسىز؟