ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيۋرو ادامدارى مۇستافانىڭ وسى قىزمەتكە كامىل جارايتىندىعىن ءبىلىپ لايىقتاپ وتىر - ءاليحان بوكەيحان

23 ءساۋىر 2024 127

بيۋروعا ەكىنشى ادام قويۋ

(IVء-ىنشى دۋمانىڭ مۇسىلمان فراكسياسىنداعى قازاق وكىلەتتىگى تۋراسىندا)

مۇسىلمان فراكسياسى قاسىنداعى بيۋروعا قازاقتان كىسى قويۋعا جۇرت قاۋلى قىلعاندا بوكەي-حانوۆ بارۋىن ۇناتىپ، ەكىنشى ادامنىڭ بارۋىن قارجى قانشا تابىلۋىنا قاراتىپ ەدى. قازىردە ەكى كىسىنىڭ جىلدىق قاراجاتىنا جەتەرلىك اقشا تابىلسا دا، جۇرت ەكىنشى كىسىسىن اتاماي تۇر ەدى. ءسويتىپ تۇرعاندا بيۋرو ادامدارىنان حابار كەلدى: ولار بوكەي-حانوۆتان باسقا بيۋرودا ءدايىم قىزمەت ەتەتىن ەكىنشى ادامنىڭ ءقازىر دە وتە كەرەكتىگىن بىلدىرەدى.

سەبەبى، 25ء-ىنشى يۋن جارلىعى تاقىرىپتى بيۋرودا قازاق ءىسى كوبەيۋى ءھام تەز ارادا گوسۋدارستۆەنني دۋما اشىلۋى. وسى ەكىنشى كىسىگە بيۋرو ادامدارى ىستۋدەنت يۋريست مۇستافا شوقايەۆتى لايىقتايدى.

مۇستافا شوقايەۆ - مۇسىلمان كوميتەتى اشىلعاننان بەرى سوندا قىزمەت ەتۋشى ەدى. بيۋرو ادامدارى مۇستافانىڭ وسى قىزمەتكە كامىل جارايتىندىعىن ءبىلىپ لايىقتاپ وتىر.

وسىلار جاراتىپ، جۇمىسقا شاقىرىپ وتىرعان ادامىن ءبىز دە جارايدى دەپ بىلەمىز ءھام بيۋروعا قويىلاتىن ەكىنشى ادام مۇستافا شوقايەۆ بولۋىن ۇناتامىز.

وسى كەزدە بيۋروعا بارىپ جاتقان قازاق ىستەرى كوپ، گوسۋدارستۆەنني دۋما بولسا، نويابىردەن باستاپ اشىلايىن دەپ تۇر. سوندىقتان مۇستافا شوقايەۆ 1ء-ىنشى نويابىردەن باستاپ بيۋروداعى قازاق جۇمىسىنا كىرىسۋىن وتىنەمىز.

عالي حان.

«قازاق» گازەتى، №203، 1916 جىل. 31 وكتابىر. ماسكەۋ.

دەرەككوز: بوكەيحان ءاليحان نۇرمۇحامەد ۇلى (1866-1937).

شىعارمالارىنىڭ 9 تومدىق تولىق جيناعى.6 توم.– استانا، 2013.

Alash.kz ۇلتتىق پورتالى

بۇل ماقالا تۋرالى نە ويلايسىز؟