ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆتىڭ اتاسى 12 قازاقتى، 1 ۇيعىردى يتجەككەنگە ايداتقان - سۇلتان حان اقق ۇلى

27 مامىر 2024 1000

جۋىردا عانا سوتى اياقتالعان،ايەلىن ۇرىپ ءولتىردى دەپ سوتتالعان ەكس-مينيستر قۋاندىق بيشىمبايەۆتىڭ اۋلەتى دە قازاق قوعامىنا جاقسى تانىس. تاريحشىلاردىڭ سوزىنە سەنسەك، ونىڭ اتاسى كەزىندە لاۋازىمدى قىزمەتتەر ىستەگەن، - دەپ جازادى Alash.kz.

تاريحشى سۇلتان حان اقق ۇلى وتكەن ۋاقىت ءۇشىن بۇگىنگى ۇرپاق جاۋاپ بەرۋى مىندەتتى ەمەس دەگەن پىكىردە دەيدى dalanews.kz.

"اتاسىنىڭ ىستەگەن قىلمىسى ءۇشىن نەگە نەمەرەسى جاۋاپ بەرۋى كەرەك؟ قۋاندىق بيشىمبايەۆتىڭ سوتى بولىپ جاتقاندا ونىڭ تۋعان اتاسى 12 قازاقتى، ءبىر ۇيعىردى سوقتى دەگەن ايىپپەن يتجەككەنگە ايداتىپ جىبەرگەن (دەگەن اقپارات شىقتى - ەسك.). وعان قۋاندىقتىڭ قانداي قاتىسى بار؟! ايتپەسە قۋاندىقتى ايەلىن ۇرىپ ولتىرەتىن قىلىپ اتاسى تاربيەلەپ پە؟ ول - تاريح. وتكەن زامان ءۇشىن بۇگىنگى ۇرپاق، نەمەرەسى، شوپشەگى جاۋاپ بەرۋگە مىندەتتى ەمەس.

ءاليحاننىڭ 13 جىلى جازعان ماقالاسىندا "تاريح نە ءۇشىن كەرەك؟ تاريحتان قاي جەردەن سۇرىندىك، قاي جەردە قۇلادىق، قاي جەردەن گۇلدەندىك، سونى ءبىلۋىمىز كەرەك" دەيدى عوي. تاريح سول ءۇشىن عانا كەرەك. عالىم رەتىندە تاريحتى ايناداي كورسەتۋىمىز كەرەك. بىرەۋدى اقتاۋ، بىرەۋدى قارالاۋ مىندەتى (الدىمىزدا - ەسك.) تۇرماۋى كەرەك"، - دەدى تاريحشى سۇلتان حان اقق ۇلى "قاسقا جول" يۋتۋب ارناسىنا بەرگەن سۇحباتىندا.

ايتا كەتەيىك، بۇعان دەيىن الەۋمەتتىك جەلىدە "قۋاندىق بيشىمبايەۆتىڭ اجەسىنىڭ ەسىمى كوشەگە بەرىلگەن" دەگەن اقپارات تاراپ كەتكەن ەدى. تۇركىستان وبلىسىندا ماريا بيشىمبايەۆا اتىنداعى كوشە بار بولىپ شىقتى. 

"بيشىمبايەۆا ءماريام - تولەبي اۋدانىنىڭ قۇرمەتتى ازاماتى. اۋدانعا ەڭبەگى سىڭگەنى ءۇشىن تولەبي اۋدانى، لەڭگىر قالاسىنداعى بۇرىنعى اتاۋى سادوۆايا كوشەسى لەڭگىر قالاسى اكىمدىگىنىڭ 2001 جىلعى 6 شىلدەدەگى №215 شەشىمىمەن ماريا بيشىمبايەۆا كوشەسى بولىپ قايتا اتالدى"، - دەپ جازىلعان تۇركىستان وبلىسى اكىمدىگىنىڭ باسپا ءسوز قىزمەتىنىڭ بەرگەن جاۋاپ حاتىندا.

الايدا بۇل ەسىمنىڭ ايەلىن ءولتىردى دەپ سوتتالعان قۋاندىق بيشىمبايەۆقا ەشقانداي قاتىسى جوق بولىپ شىقتى.

بۇل ماقالا تۋرالى نە ويلايسىز؟