ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«بيشىمبايەۆ "بولاشاقتى» بىرگە بىتىرگەن ادامدارىن قىزمەتكە قويدى" - ءابىلوۆ

22 ءساۋىر 2024 418

بەلگىلى كاسىپكەر بولات ءابىلوۆ «گيپەربورەي» YouTube-ارناسىنا بەرگەن سۇحباتىندا باسى داۋعا قالعان ەكس-مينيستر قۋاندىق بيشىمبايەۆپەن كەزدەسۋى جانە بيشىمبايەۆ پەن نازاربايەۆتىڭ بايلانىسى تۋرالى ايتىپتى. بۇل تۋرالى alash.kz دالانيەۆسكە سىلتەمە جاساپ حابارلايدى.

ءابىلوۆ بيشىمبايەۆپەن ول تۇرمەگە وتىرار الدىندا كەزدەسكەنىن، العاشىندا ينتەللەگەنتتى ازامات بولىپ كورىنگەنىن ايتادى.

«بىزگە سولاي كورىندى. وتە تاربيەلى ادام بولىپ كورىندى. ول «بايتەرەكتە» (حولدينگ) بولعان، سول كەزدە «برك» بانككە كرەديت الۋدى جوسپارلاپ جۇرگەنبىز. كەيىنىرەك ول باسقالارمەن قالاي سويلەسەتىنىن ەستىدىك: مادەنيەتسىز، دورەكى ەكەن. «پاسان» بولا تۇرا مەملەكەتتىك قىزمەتتە جوعارى دارەجەگە جەتكەن ادام، ءبىراق بۇل دا ادىلەتسىز، ورىنسىز بولعان نارسە. ەسكى قازاقستاننىڭ ءوزى «ەسكىلەر» جانە «بولاشاقتىڭ ەليتالارى» دەپ ءبولىنىپ جۇرگەندە، ولار (بولاشاق تۇلەكتەرى) بيلىككە تالاسىپ، ءوزىن پرەمەر-مينيستر كورە باستاعاندا ەسكى ەليتا بايبەككە دە، بيشىمبايەۆقا دا قىلمىستىق ءىستى ارتىپ قويماق بولعان. بيشىمبايەۆ – ەسكى قازاقستاننىڭ تاۋارى، ول نازاربايەۆ وسىرگەن بالا. بۇل جەكە ماقساتتاعى ماسەلە. مەملەكەتتىك توڭكەرىس جاساماق بولعان ءماسىموۆ ۇلتتىق قاۋىپسىزدىككە جاۋاپ بەرگەن. ال قۋاندىق بيشىمبايەۆ ايەلىنە كومەكتەسىپ، جەدەل جاردەم شاقىرۋدىڭ ورنىنا كورىپكەلگە حابارلاسا باستاعان. بۇل - جامان پيعىلدى ادامدار»، - دەيدى ءابىلوۆ.

سونىمەن قاتار، بولات ءابىلوۆ بيشىمبايەۆ پەن نازاربايەۆتىڭ بايلانىسى تۋرالى ايتتى.

«بيشىمبايەۆ – نازاربايەۆتىڭ ەركەسى بولعان. سەنىم ارتاتىن ادامى بولعان. ول نازاربايەۆتىڭ كومەكشىسى بولعان. نازاربايەۆقا ۇناپ، نازاربايەۆ ونى دامىتا باستادى. ءبىراق بيشىمبايەۆ ەشبىر قىزمەتىندە ناتيجە كورسەتپەگەن. كوررۋپسيامەن اينالىسىپ، «بولاشاقتى» بىرگە بىتىرگەن ادامدارىن قىزمەتكە قويىپ، قالتاسىن تومپايتىپ جۇرگەن. پرەمەر-مينيستر بولعىسى كەلگەن»، - دەيدى بولات ءابىلوۆ.

بۇل ماقالا تۋرالى نە ويلايسىز؟