اقتاۋلىق جانۇيا قۇلسارىدان كەلگەن 8 وتباسىنى ءوز ۇيىنە ورنالاستىردى. بۇل تۋرالى "قازاقستان" ۇلتتىق تەلەارناسىنىڭ "تاڭشولپان" باعدارلاماسىندا ايتىلدى.
ماڭعىستاۋ وبلىسى بەينەۋ اۋدانىنىڭ تۇرعىنى تىلەكتەس نۇرماعانبەتوۆا سۋ تاسقىنىنان زارداپ شەككەن وتباسىلاردى ۇيىنە كىرگىزىپ، قامقورلىعىنا الدى.
ۋاقىتشا قونىستانعان جانۇيالاردىڭ قارتتارى مەن بالالارىنىڭ بارلىق جاعدايى جاسالعان، ال ەرەسەك ازاماتتارى قۇلسارىدا بوگەتتەر سالۋعا قالعان.
اتىراۋ وبلىسىنان ەۆاكۋاسيالانعان وتباسىلار بەينەۋ قالاسىنداعى 28 ءبىلىم بەرۋ نىساندارىنا جايعاستىرىلعان.
وقۋ-اعارتۋ ءمينيسترى عاني بەيسەمبايەۆ ەۆاكۋاسيالانعان تۇرعىنداردىڭ جاي-كۇيىمەن تانىسىپ، وقۋشىلاردىڭ ءبىلىم الۋىنا ەشبىر كەدەرگى جوعىنا كوز جەتكىزدى.
«بۇل قيىندىقتاردى تەز ارادا شەشىپ، حالىققا جاعداي جاساۋ باستى مىندەت»، - دەدى مينيستر.
