ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بەرگەي رىسقالييەۆ ميتينگكە شىقتى (ۆيدەو)

20 اقپان 2022 103

اتىراۋ وبلىسىنىڭ بۇرىنعى اكىمى بەرگەي رىسقالييەۆ قاڭتار وقيعاسى كەزىندە قازا تاپقانداردى ەسكە الۋ ميتينگىسىنە شىقتى.

ۆيدەو بەرگەي رىسقالييەۆتىڭ Instagram پاراقشاسىندا جاريالاندى.

ميتينگ 13 اقپان كۇنى ۇلىبريتانيا استاناسى لوندوندا ءوتتى. جينالعان قاۋىم الماتىدا نارازىلىق كەزىندە قولدانعان «ءبىز – قاراپايىم حالىقپىز! ءبىز – تەرروريست ەمەسپىز!» بانەرىمەن لوندون الاڭىنا شىقتى.

«نازاربايەۆ سوتتالسىن! نازاربايەۆ پەن ونىڭ توڭىرەگىندەگىلەر سوتتالسىن!» دەگەن ۇراندار ايتىلدى.

بەينەكادرلارعا قارايتىن بولساق، كادر سىرتىندا ەر ادامنىڭ داۋىسى ەستىلىپ تۇر جانە ونىڭ ارتىنان ادامدار ۇراندى قايتالاۋدا.

– ءبىز ادىلەتتى تەرگەۋدى تالاپ ەتەمىز! حالىققا شىندىق كەرەك! تىم كوپ ادام ءولدى! بىزگە ادىلەتتىلىك كەرەك! جازىقسىز ادامداردى ازاپتاۋدى دوعارىڭدار! ءبىز تاۋەلسىز جانە ادىلەت سوت جۇيەسىن تالاپ ەتەمىز ،– دەپ ۇرانداتتى ەر ادام.

ەسكە سالساق، بەرگەي رىسقالييەۆ 2006-2012 جىلدار ارالىعىندا اتىراۋ قالاسى مەن اتىراۋ وبلىسىنىڭ اكىمى قىزمەتىن اتقارعان. 2013 جىلى ەكس-اكىمگە اسا ءىرى كولەمدە بيۋدجەت قاراجاتىن جىمقىردى جانە قىلمىستىق توپ قۇردى دەگەن ايىپ تاعىلعان بولاتىن.

تەرگەۋ بەس جىلعا سوزىلىپ، 2019 جىلى قازاقستاندىق سوت بەرگەي رىسقالييەۆتى 17 جىلعا، ونىڭ اعاسى، ءماجىلىستىڭ ەكس-دەپۋتاتى ارمانجان رىسقالييەۆتى 16 جىلعا باس بوستاندىعىنان ايىردى. ەكى ۇكىم دە سىرتتاي شىعارىلدى.

2020 جىلدىڭ جازىندا قازاقستاندىق سوت بەرگەي رىسقالييەۆتىڭ وتباسى مەن جاقىندارىنان تاركىلەنگەن مۇلىكتىڭ «ءبىر بولىگىن» قايتارۋدى بۇيىردى. رىسقالييەۆتىڭ مۇلكىن قايتارۋعا قاتىستى كاسساسيالىق شاعىمىن قازاقستاننىڭ باس پروكۋراتۋراسى بەرىپ، ونى جوعارعى سوت تەز ارادا ماقۇلدادى.



دەرەككوز
بۇل ماقالا تۋرالى نە ويلايسىز؟