شۆەيساريالىق Credit Suisse بانكىنىڭ دەرەكتەرى تارالۋى كەزىندە قازاقستاننىڭ بۇرىنعى پرەزيدەنتى نۇرسۇلتان نازاربايەۆ اۋلەتىنىڭ وسى بانكتەگى قاراجاتى تۋرالى بەلگىلى بولدى.
بۇل تۋرالى OCCRP حابارلايدى.
نازاربايەۆتىڭ ورتانشى قىزى دينارا قۇلىبايەۆا مەن ونىڭ كۇيەۋى تيمۋر قۇلىبايەۆتىڭ Credit Suisse-تە 2008-2012 جىلدار ارالىعىندا ەسەپشوتتارى بولعان. وسى ۋاقىت ىشىندە ولاردىڭ ەسەپشوتتارىنا شامامەن 5 ميلليارد دوللار بولدى.
قازاقستاننىڭ ەكس-پرەزيدەنتىنىڭ ۇلكەن قىزى داريعا نازاربايەۆانىڭ 2008-2012 جىلدار ارالىعىندا جالپى سوماسى 150 ميلليون دوللار بولاتىن التى شوتى بولعان.
جالپى العاندا، Credit Suisse بانكىنىڭ نازاربايەۆ اۋلەتى 5 ميلليارد 150 ميلليون دوللار سوماسى بار بولعان.
قازاقستاننىڭ قازىرگى پرەزيدەنتىنىڭ وتباسى الدەقايدا از – تيمۋر توقايەۆ پەن ونىڭ اناسى نادەجدانىڭ Credit Suisse بانكىندە 1998-2011 جىلدار ارالىعىندا 5 ميلليون دوللارى بار شوتتارى بولعان. پرەزيدەنتتىڭ قارىنداسى قارلىعا ءيزباستيننىڭ ەسەپشوتتارىندا 7 ميلليون دوللار بولعان.
- «Credit Suisse قۇپيالارى» – شۆەيساريالىق ەڭ ءىرى Credit Suisse بانكىنىڭ ەسەپشوتتارى تۋرالى مالىمەتتىڭ سىرتقا شىعىپ كەتۋىنە بايلانىستى قۇرىلعان ترانسشەكارالىق جۋرناليستىك زەرتتەۋ جوباسى.
بۇل دەرەكتەردى انونيم دەرەككوز نەمىستىڭ Süddeutsche Zeitung گازەتىنە جەتكىزگەن، ولار مۇنى OCCRP جانە باسقا ەلدەردەگى 46 سەرىكتەس مەدياعا تاراتتى. بەس قۇرلىقتاعى جۋرناليستەر بانك فايلدارىن زەرتتەپ، ينسايدەرلەرمەن، تەرگەۋ ورگانى قىزمەتكەرلەرىمەن سويلەسىپ، الىنعان قورىتىندى ناتيجەلەردى سوت جازباسى مەن قارجىلىق ەسەپتەر ارقىلى تەكسەرىپ شىقتى. سىرتقا شىعىپ كەتكەن اقپاراتتا 1940 جىلدان باستاپ، 2010 جىلداردىڭ ورتا تۇسىنا دەيىن اشىلعان 18 مىڭ ەسەپشوت تۋرالى دەرەكتەر بار. بۇل ەسەپشوتتارداعى جالپى قارجى كولەمى ءجۇز ميلليارد دوللاردان استام.
دەرەككوز
