ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بالگەرگە ەمەس، مەديسينالىق كومەككە جۇگىنگەندە امان الىپ قالۋعا بولاتىن ەدى - ساراپتاما

04 ءساۋىر 2024 263

قۋاندىق بيشىمبايەۆتىڭ بۇگىنگى سوت وتىرىسىندا سالتانات نۇكەنوۆانىڭ ءمايىتىنىڭ سوت-مەديسينالىق ساراپتاماسىنىڭ قورىتىندىسى باياندالدى، دەپ حابارلايدى Alash.kz.

"نۇكەنوۆانىڭ ءولىمى وڭ جاق قابىرعا استى-جەلكە ايماعىنداعى جەدەل سۋبدۋرالدى گەماتومامەن، كەيىننەن ديسلوكاسيا سيندرومىنىڭ دامۋىمەن جانە مي بادامشا بەزدەرىنىڭ ساڭىلاۋ ايماعىنا جارىقپەن بىرگە جۇرەتىن جابىق باسسۇيەك-مي جاراقاتىمەن، ورتالىق جۇيكە جۇيەسىنىڭ فۋنكسيالارىنىڭ توقتاتىلۋىنا، جۇرەك قىزمەتى مەن تىنىس الۋدىڭ توقتاۋىنا اكەلدى. بۇل ءولىمنىڭ تىكەلەي سەبەبى. مايىتتىك قۇبىلىستاردىڭ اۋىرلىعىنا قاراي، ءولىم ۇزاقتىعى ءبىر تاۋلىكتەن از ۋاقىت بۇرىن بولعان"، - دەدى جاننا ۋرازباحوۆا.

ساراپتاما 2023 جىلدىڭ 10 قاراشاسىندا وتكىزىلگەن.

"بۇل جاراقاتتار، ولىمنەن ءبىر كۇن بۇرىن، دوعال قاتتى زاتتارمەن قايتا-قايتا ۇرعاننان بولۋى مۇمكىن. ولار دەنساۋلىققا اۋىر زيان كەلتىرەدى. قاۋىپتىلىك كريتەرييى بويىنشا ولاردىڭ ولىممەن تىكەلەي بايلانىسى بار. مەديسينالىق كومەككە جۇگىنۋ قولايلى ناتيجە الۋ مۇمكىندىگىن ارتتىرار ەدى. سونداي-اق ساراپتاما قورىتىندىسىنا سايكەس، نۇكەنوۆانىڭ قانىنان ەسىرتكى، دارىلىك جانە پسيحوتروپتىق زاتتار تابىلماعان. الكوگول - از مولشەردە"، - دەدى ۋرازباحوۆا.

 

بۇل ماقالا تۋرالى نە ويلايسىز؟