ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"جارتىسىنا جۋىعى ۋكرايناعا قايتىپ كەتتى". سوعىس نۇكتەسى ۋكراينادا قانشا قازاقستاندىق ءجۇر؟

01 ءساۋىر 2024 342

رەسەيدىڭ ارنايى وپەراسياسى باستالعان كەزدە ۋكراينادان ەلگە جەتكىزىلگەن قازاقستاندىقتار سول ەلگە قايتىپ بارعان. بۇل تۋرالى قازاقستان ءسىم رەسمي وكىلى ايبەك سمادياروۆ ايتتى.

ايبەك سمادياروۆتىڭ ايتۋىنشا، ەلگە جەتكىزىلگەن ءبىراز قازاقستاندىق قاقتىعىستىڭ ۋشىعىپ تۇرعانىن بىلە تۇرا، ۋكرايناعا قايتىپ بارۋدى ءجون ساناعان.

 «وزەرىڭىز بىلەتىندەي سوعىس جاڭا باستالعان كەزدە، ءبىز ازاماتتارىمىزدى بىرنەشە رەيسپەن سول جاقتان ەۆاكۋاسيا جاساعان بولاتىنبىز. ءبىراق،  سونىڭ جارتىسىنا جۋىعى قايتادان ۋكرايناعا قايتىپ كەتتى. ەندى ءقازىر ولاردىڭ ومىرىنە ءقاۋىپ ءتونىپ تۇر ما، جوق پا، ونى بىلمەيمىز. ويتكەنى سوعىس بولىپ جاتقانىن ولار بىزدەن جاقسى بىلەدى.   ءار ادام ءوز قاۋىپسىزدىگىنە ءوزى جاۋاپ بەرەدى.  ءبىراق ەلشلىكتىڭ مىندەتى ءبىزدىڭ ازامات ولارعا حابارلاسسا مىندەتتى تۇردە ولارعا كومەكتەسۋ قاجەت. ءقازىر قانشا قازاقستاندىق بارىن ناقتى بىلە بەرمەيمىز.  تەك ەلشىلىكپەن كىم بايلانىستا بولادى، سولارمەن عانا بايلانىس ۇستايمىز. سوعىس بولىپ جاتقاندىقتان  كەيبىر جەردە بايلانىس جوق"،-دەدى رەسمي وكىل.

سمادياروۆتىڭ سوزىنشە، ۋكرايناداعى ەۆاكۋاسيالىق بولىمدەردىڭ جانە وتانداستارىمىزدىڭ قانداي مەكەن-جايدا تۇرىپ جاتقانى تۋرالى اقپارات جوق.  سوندىقتان قيىنشىلىقتار تۋىنداپ جاتىر. سمادياروۆ ەلگە قايتۋعا نيەت تانىتقان قازاقستاندىقتار پولشا مەن مولداۆا ەلدەرى ارقىلى جەتكىزىلەتىن ايتتى.

ايتا كەتەيىك، رەسەي مەن ۋكراينا اراسىندا اسكەري قاقتىعىس باستالعان كەزدە قازاقستان ازاماتتاردى جەتى رەيسپەن ەلگە ەۆاكۋاسيالاندى. ناتيجەسىندە 901 قازاقستاندىق ۋكراينادان شىعارىلدى.

بۇل ماقالا تۋرالى نە ويلايسىز؟