ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«Balapan» تەلەارناسى رەسپۋبليكالىق بالالار فەستيۆالىن وتكىزدى

01 ماۋسىم 2022 113
«قازاقستان» رەسپۋبليكالىق تەلەراديوكورپوراسياسى» اق «Balapan» تەلەارناسى نۇر-سۇلتان قالاسى اكىمدىگىمەن بىرلەسىپ، «بالالار جىلى» شەڭبەرىندە رەسپۋبليكالىق «BALAPAN الەمى» اتتى Open Air فەستيۆالىن وتكىزدى. مەرەكەلىك شارا 1 ماۋسىم – حالىقارالىق بالالاردى قورعاۋ كۇنى نۇر-سۇلتان قالاسىندا، ەركە ەسىل جاعاسىنداعى امفيتەاتردا ءوتتى. كونسەرتتىك باعدارلامادا ەلىمىزدىڭ بىرنەشە وڭىرىنەن كەلگەن 800-گە جۋىق تالانتتى بالا جانە ەسترادا جۇلدىزدارى ونەر كورسەتتى. بالالاردى مەرەكەمەن قۇتتىقتاپ قازاقستان رەسپۋبليكاسى اقپارات جانە قوعامدىق دامۋ ءمينيسترى اسقار وماروۆ ارنايى كەلدى.



مينيستر اسقار وماروۆ العى سوزىندە: مەملەكەت باسشىسى قاسىم-جومارت توقايەۆتىڭ 2022 جىلدى «بالالار جىلى» دەپ بەلگىلەگەنى ءمالىم.پرەزيدەنت بۇل جىلدى وسكەلەڭ ۇرپاقتىڭ ۇيلەسىمدى دامۋىنا جان-جاقتى قولداۋ ءبىلدىرىپ، ولارعا ساپالى ءبىلىم مەن مەديسينالىق كومەك كورسەتۋ اياسىندا مەملەكەت تاراپىنان ناقتى ءىس-شارالار جاسالۋىن باسا ايتتى. وسى رەتتە، كونسەرتتىك باعدارلامامەن قاتار، بالالار ءۇشىن ماعىنالى ءىس-شارالار وتكىزىپ وتىرعان «BALAPAN الەمى» بالالار فەستيۆالىنە قوش كەلدىڭىزدەر دەيمىن.

بۇدان بولەك، مينيستر «بالالار جىلى» اياسىندا اتقارىلعان ءىس-شارالاردى ايتا كەلە، «Balapan» تەلەارناسىنىڭ ەفيردەن تىس جاساپ جۇرگەن جوبالارىنا توقتالدى: «كونتەنت جاساۋدان بولەك، بالالار ارناسى 2021 جىلى الەۋمەتتىك ماڭىزدى «ەرەكشە قاجەتتىلىكتەرى بار بالالارعا ارنالعان انيماسيا مەكتەبىن» اشتى. جوبا ەرەكشە بالالارعا انيماسيانى وقىتىپ، ولاردىڭ قوعامنىڭ بەلسەندى مۇشەسى بولۋىنا جول اشادى. بۇعان قوسا، بيىل تەلەارنا زاماناۋي بالالار اندەرىنە بايقاۋ جاريالادى. ونىڭ جەڭىمپازدارى دا الداعى كۇندەرى جاريالانباق. بەس جەڭىمپازعا كورپوراسيا تەگىن كليپ ءتۇسىرىپ، تەلەارنالاردان كورسەتەدى».

 

«Qazaqstan» تەلەارناسىمەن بىرلەسە اتقارىلعان كونسەرتتىك باعدارلامادا گۇلنۇر ورازىمبەتوۆا، ۇشقىن جامالبەك، نۇرلان ءالىمجاندار اننەن شاشۋ شاشسا، روزا

ءالقوجا قىزى ياسينا ايدىن قىزى جانە جىگەر اۋىپبايەۆ شاكىرتى ايدوس كادەنمەن دۋەت قۇردى.  سونداي-اق، فەستيۆالدە دومبىرانىڭ قۇلاعىندا وينايتىن 100 بالادان قۇرالعان قۇراما وركەستر حالىق كومپوزيتورلارىنىڭ كۇيلەرىن ورىنداپ، بي انسامبلدەرى فلەشموب بيلەدى. بالالار ارناسىنان تۇلەپ ۇشقان، بۇگىندە ۇلكەن ساحنادا جۇرگەن تانىمال ونەرپازدار قوناق رەتىندە كەلىپ، قۇتتىقتاۋلارىن ارنادى.

ايرىقشا اتاپ وتەرلىگى، فەستيۆالگە كوپ بالالى جانە الەۋمەتتىك جاعدايى تومەن وتباسىلاردىڭ بالالارى مەن ەرەكشە قاجەتتىلىكتەرى بار بۇلدىرشىندەر قاتىسىپ، ونەرلەرىن ورتاعا سالدى. ولاردىڭ قاتارىندا قاراعاندىدان ارنايى كەلگەن، رەسپۋبليكالىق «دومبىرا-داستان» بايقاۋىندا باس جۇلدەنى جەڭىپ العان كۇيشى نۇرداۋلەت ساعاتبەك تە بار.

سونىمەن قاتار، امفيتەاتر اۋماعىندا ۇلتتىق سپورت جانە ويىن-ساۋىق الاڭدارى ۇيىمداستىرىلىپ، ءتۇرلى سايىستار مەن اسفالتقا سۋرەت سالۋ بايقاۋى ءوتتى. «Balapan» الەمى» اتتى كىتاپ كورمەسى مەن استانالىق مەكتەپىشىلىك قولونەر ۇيىرمەلەرى مەن شەبەر بالالار دايىنداعان قولونەر بۇيىمدارىنان جارمەڭكە جايىلدى. كوڭىلدى انيماتورلار مەن سيرك ارتىستەرى دە فەستيۆالگە كەلگەن مەرەكەنىڭ كوركىن قىزدىردى. فەستيۆالگە كەلگەن كىشكەنتاي قالا تۇرعىندارى مەن قوناقتارى بارشا شاراعا قىزىعا قاتىسىپ، تانىمال ءانشى جانە سپورتشىلارمەن ەستەلىككە سۋرەتكە ءتۇستى.



ەلىمىزدىڭ بارشا وڭىرىندەگى بالالارعا مەرەكەلىك كوڭىل-كۇي سىيلاۋ ماقساتىندا فەستيۆال «Balapan» تەلەارناسىنان تىكەلەي ەفيردە كورسەتىلدى. سونىمەن قاتار، ۇلىتاۋ وبلىسى، اباي وبلىسى، ماڭعىستاۋ وبلىسى  جانە قىزىلوردا وبلىسى اكىمدىكتەرىنىڭ قولداۋىمەن بالالارعا ارنالعان ءىس-شارالار ۇيىمداستىرىلىپ، تىكەلەي بايلانىس ارقىلى قوسىلدى.

ايتا كەتەلىك، سالتاناتتى كەشتە «Balapan»-نىڭ جاڭا ماۋسىمىنداعى جاڭالىقتارى ايتىلىپ، تەلەارنانىڭ جاڭا بەينەسى تانىستىرىلدى.

اتالعان فەستيۆال «Balapan» تەلەارناسىنىڭ «بالالار جىلى» شەڭبەرىندە ۇيىمداستىرعان العاشقى شاراسى ەمەس. بالالاردىڭ سۇيىكتى ارناسى بيىل بۇدان بولەك «سامعا، Balapan»جانە «Balapan كوكتەمى» اتتى كونسەرتتەر وتكىزدى. كوگىلدىر ەكراننان كىشكەنتاي كورەرمەندەرىنە دايىنداعان بازارلىقتارى دا مول. جاڭا تەليەۆيزيا ماۋسىمىندا بالالاردى وتانشىلدىققا، باۋىرمالدىققا، ءبىلىم مەن عىلىمعا باۋليتىن 22 مۋلتحيكايا مەن تەلەباعدارلامالار ۇسىنادى.

 

 

 

 
بۇل ماقالا تۋرالى نە ويلايسىز؟