ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بايراعىمىزدى پايدالانۋ ءتارتىبىن قايتا قاراۋ كەرەك

02 ماۋسىم 2022 78
 



مەملەكەت باسشىسى قاسىم-جومارت توقايەۆ مەملەكەتتىك تۋىمىزعا قاتىستى پىكىر ءبىلدىرىپ، بايراقتى پايدالانۋ ەرەجەسىن قايتا قاراۋ كەرەك ەكەنىن ايتتى.

پرەزيدەنت الەۋمەتتىك جەلىدە تۋدى قادىرلەۋ تۋرالى وي-پىكىرلەر ايتىلىپ جۇرگەنىن جەتكىزدى. سونداي-اق، رامىزدەرىمىزدى قاستەرلەۋ – ءار ازاماتتىڭ پەرزەنتتىك پارىزى ەكەنىن ەسكە سالدى.
– جاستاردىڭ وتانشىلدىق رۋحىن كۇشەيتۋ كەرەك. ءقازىر الەۋمەتتىك جەلىدە مەملەكەتتىك تۋدى قادىرلەۋ تۋرالى كوپتەگەن وي-پىكىرلەر ايتىلۋدا. وكىنىشكە قاراي، قاسيەتتى كوك تۋىمىزعا بايلانىستى ورىن العان جاعىمسىز جاعدايلار ازايماي تۇر. سوندىقتان بايراعىمىزدى پايدالانۋ ءتارتىبىن قايتا قاراۋ كەرەك دەپ ويلايمىن. قاجەت بولسا ءتيىستى زاڭدارعا وزگەرتۋلەر ەنگىزۋگە بولادى. ويتكەنى كوك تۋىمىز – قاستەرلى تاۋەلسىزدىگىمىزدىڭ سيمۆولى. مەملەكەتتىك رامىزدەرىمىزدى قاستەرلەۋ – ءار ازاماتتىڭ پەرزەنتتىك پارىزى،– دەدى توقايەۆ.





دەرەككوز
بۇل ماقالا تۋرالى نە ويلايسىز؟