بايقوڭىر قالاسى مەن عارىش ايلاعىندا جەرگىلىكتى اكىمدىكتىڭ، «روسكوسموس» مەملەكەتتىك كومپانياسى مەن «بۋدۋششەە بايكونۋرا» جاستار قوزعالىسىنىڭ ۇيىمداستىرۋىمەن رەسەيدىڭ ۋكرايناداعى «اسكەري وپەراسياسىن» قولداۋ ماقساتىندا جيىن ءوتتى دەپ حابارلادى turkystan.kz.
ماسكەۋ قىزىلوردا وبلىسىنداعى بايقوڭىر ايلاعىن 2050 جىلعا دەيىن جالعا العان. وسى ۋاقىت ارالىعىندا بايقوڭىر رەسەيدەگى فەدەرالدىق ماڭىزى بار قالا ساناتىنا يە بولادى.
كەلىسىمشارت بويىنشا، رەسەي اي سايىن قازاقستانعا 115 ملن دوللار تولەۋى ءتيىس. سوڭعى جىلدارى بايقوڭىردان ۇشاتىن زىمىرىندار ازايعان. ال بيىل رەسەي زىمىرانداردى ۇشىرۋدى ۋاقىتشا توقتاتىپ وتىر.
24 اقپاندا رەسەي پرەزيدەنتى ۆلاديمير پۋتين ۋكراينانى «دەميليتاريزاسيالاۋ» بويىنشا ارنايى وپەراسيانىڭ باستالعانىن جاريالادى. رەسەي اسكەرى كورشى ەلدىڭ اۋماعىنا باسىپ كىرگەننەن كەيىن رەسەيگە سانكسيالار سالىنا باستادى. سونىمەن قاتار، باتىس ەلدەرى كەيبىر رەسەيلىك بانكتەردى SWIFT حالىقارالىق بانكتىك تولەمدەر جۇيەسىنەن اجىراتۋعا كەلىستى.
دەرەككوز
