اتاپ ايتقاندا، ءماسىموۆ ۇقك ءتوراعاسى لاۋازىمىندا جابىق كەلىسىم-شارتتاردىڭ ءبىرى بويىنشا شەتەلدىك مەملەكەت وكىلدەرىنەن 2 ميلليون اقش دوللارى كولەمىندە پارا الۋ دەرەگى بويىنشا تەرگەۋ جۇرگىزىلۋدە. وسى قاراجات گونكونگتان قازاقستان ۇلتتىق بانكىنە قايتارىلدى.
سونىمەن قاتار، ءماسىموۆ پرەمەر-مينيستر لاۋازىمىندا بولعان كەزدە بيزنەسمەندەردىڭ بىرىنەن استانادا قۇنى 2،5 ميلليارد تەڭگە تۇراتىن ەليتالىق تۇرعىن ءۇي مەن جەر تەلىمىن الۋ دەرەگى بويىنشا دا تەرگەۋ جۇرگىزىلىپ جاتىر.
2022 جىلعى قاڭتاردا ءماسىموۆتى ۇستاعاننان كەيىن وسى تۇرعىن ۇيدە 17،2 ميلليون اقش دوللارى مولشەرىندە قولما-قول اقشا، سونداي-اق كوپتەگەن قۇندى زاتتار — ەليتالىق ساعاتتار، التىن كەسەكتەرى، انتيكۆاريات جانە باسقا دا بۇيىمدار تابىلعان.
بۇدان باسقا، بيزنەس ساناتتاعى 11 قىمبات اۆتوكولىك تاركىلەنگەن.
سونداي-اق، ونىڭ نۇر-سۇلتان قالاسىنداعى ەكى ەليتالىق پاتەرىنە، الماتىداعى 2 پاتەر مەن ءزاۋلىم سارايىنا، سونداي-اق ششۋچە-بۋراباي شيپاجايى ايماعىنداعى كولدىڭ جاعاسىنداعى اۋماعى 1 گەكتار جەر تەلىمىنە شەكتەۋ سالىندى.
ماسىموۆكە جاقىن ادامداردان 5،1 ميلليون اقش دوللارى الىنىپ، وعان تىيىم سالىندى. سونىمەن بىرگە ءماسىموۆ پەن ونىڭ اينالاسىنداعىلار شەت ەل بانكتەرىنە زاڭسىز شىعارعان اسا ءىرى مولشەردەگى اقشالاي قاراجاتتى ىزدەستىرۋ، بۇعاتتاۋ جانە قازاقستانعا قايتارۋ بويىنشا جۇمىس ۇيىمداستىرىلدى.
بارلىق كورسەتىلگەن دەرەككە قاتىستى تەرگەۋ شارالارى جالعاستىرىلىپ جاتىر.
