ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

استانا تۇرعىندارىن تولعاندىرعان تۇيتكىلدەر قاشان شەشىمىن تابادى؟

05 قىركۇيەك 2022 61
نۇر-سۇلتان قالاسىنىڭ اكىمى التاي كولگىنوۆ ەلوردالىقتارمەن كەزدەسىپ، ولاردى تولعاندىرىپ جۇرگەن سۇراقتارعا جاۋاپ بەردى. بۇل تۋرالى alash.kz حابارلايدى.

– ءاربىر اۋداننىڭ وزىنە ءتان كۇردەلى ءارى شەشىلۋى ءتيىس وتە ماڭىزدى ماسەلەسى بولادى. ماسەلەن، بايقوڭىر اۋدانىنىڭ كۇلتەگىن كوشەسىندە جوعارى ۆولتتى ەلەكتر بەرۋ جەلىسى (ەبج) ورنالاسقان. بۇل پروبلەمانىڭ شەشىلمەي كەلە جاتقانىنا 26 جىل بولدى.

ەڭ الدىمەن، ەلەكتر بەرۋ جەلىسى جانىندا ورنالاسقان كۇلتەگىن، اسان قايعى، سىرداريا، لەرمونتوۆ كوشەسىندەگى ۇيلەرگە باسا ءمان بەرىلەدى. وسىعان ۇقساس جۇمىس الداعى ۋاقىتتا ىرگەلەس اۋماقتا دا جۇرگىزىلەدى. الايدا بۇل ءبىر كۇندىك نەمەسە ءبىر جىلدىق جۇمىس ەمەس. ورتاشا ەسەپپەن العاندا جوبا 3 جىلدان 5 جىلعا دەيىن سوزىلادى، – دەدى قالا اكىمى.

ونىڭ سوزىنشە، بىلتىر ەلەكتر بەرۋ جەلىسىن شىعارۋ بويىنشا جوبالىق-سمەتالىق قۇجاتتامانى دايىنداۋدى قولعا الدى، ءقازىر ول ساراپتامادان وتۋدە. كۇز ايلارىندا اۋقىمدى جوبانى ىسكە اسىرۋعا كىرىسەدى.

– ءبىرىنشى كەزەكتە، جولداردىڭ جانە ينجەنەرلىك جەلىلەردىڭ قۇرىلىسى جوسپارلانعان ۋچاسكەلەردەگى ۇيلەر، سول سياقتى ەلەكتر بەرۋ جەلىسى استىنداعى ۇيلەر بۇزىلادى. بۇعان قوسا بۇزىلاتىن ۇيلەردىڭ قۇنىن بەلگىلەۋ، ولاردى ساتىپ الۋ جانە بۇزۋ جۇمىسى جۇرگىزىلەدى. اسان قايعى كوشەسىندە قوسىمشا ەلەكتر قۋاتى قوسىلعاننان كەيىن كۇلتەگىن كوشەسىندەگى ەلەكتر جەلىسى دەمونتاجدالادى. باس جوسپاردا ەگجەي-تەگجەيلى جوسپارلاۋ جوباسىن ازىرلەدىك. جەكە سەكتوردىڭ ورنىنا الەۋمەتتىك نىساندار، تۇرعىن ءۇي كەشەنى، قوعامدىق كەڭىستىكتەر بوي كوتەرەدى، – دەدى ا.كولگىنوۆ.

كەزدەسۋ بارىسىندا بەلگىلى بولعانداي، ­ش.ءۋاليحانوۆ كوشەسىنە پاراللەل سەگىز جولاقتى جول سالىنادى. ءسويتىپ، باس شاھاردىڭ لوگيستيكالىق ينفراقۇرىلىمى جەتىلدىرىلىپ، كولىك قاتىناسى ەداۋىر جاقسارتا تۇسەدى.

بيىلدان باستاپ كۇلتەگىن، اسان قايعى، سىرداريا جانە ت.ب. كوشەلەردەگى ۇيلەردى كەزەڭ-كەزەڭىمەن بۇزۋدى باستايمىز.
بۇل ماقالا تۋرالى نە ويلايسىز؟