مىسالى، "Sport City" تك تۇرعىندارى اكىمدىككە جاقىن ماڭداعى اۋماقتا تك قۇرىلىسىن توقتاتۋ ماسەلەلەرى بويىنشا جۇگىندى. وسىلايشا، "Sport City" جانە "اسەم تاس-2" تۇرعىن ءۇي كەشەندەرىنىڭ اراسىنداعى جەر تەلىمىندە بيىل تك ورنىنا سكۆەردىڭ قۇرىلىسى باستالادى. سول اۋداندا 2400 ورىندىق مەكتەپ (2 اۋىسىمدا) سالىنۋدا. قالانىڭ باس جوسپارىندا مەديسينالىق ورتالىقتى ورنالاستىرۋعا ارنالعان ۋچاسكە بار ("حايۆيل پارك-1"ارتىندا ورنالاسقان).
"حايۆيل" تك تۇرعىندارىنىڭ وتىنىشىنە قاتىستى - بايتۇرسىنوۆ كوشەسى، 7 (حايۆيل تك) جەر ۋچاسكەسىندە، بۇرىن ايتىلعانداي، تك ورنىنا مەكتەپ سالىناتىن بولادى. بۇدان باسقا، قوشقاربايەۆ داڭعىلى مەن اقىرتاس كوشەسى ماڭىندا "حايۆيل" تك قاراما-قارسى وقۋشى ورىندارىنىڭ تاپشىلىعىن ازايتۋ ماقساتىندا تاعى ءبىر جالپى ءبىلىم بەرەتىن مەكتەپ سالىنادى.
"زام-زام" تك تۇرعىندارىنىڭ وتىنىشتەرى بويىنشا تۇرعىن ءۇي كەشەنىنىڭ جانىندا اعىمداعى جىلى پايدالانۋعا بەرۋ جوسپارلانىپ وتىرعان 4 مىڭ وقۋشى ورنىنا (2 اۋىسىمدا) ارنالعان مەكتەپ سالىنۋدا. سونداي-اق، ا.بەكتۇروۆ (بۇرىنعى اتاۋى №49)، تولە بي (بۇرىنعى اتاۋى №51)، №69 كوشەلەرىن، مەكتەپكە كىرەبەرىس جولدارىن سالۋ جۇمىستارى جۇرگىزىلۋدە. كەلەسى جىلى وسى اۋداندا سكۆەردىڭ قۇرىلىسىنا كىرىسۋ جوسپارلانۋدا.
كۇمىسبەكوۆ كوشەسى، 9 مەكەن-جايى بويىنشا 21 قاباتتى تۇرعىن ءۇي كەشەنى مەن پاركينگتىڭ ورنىنا قوعامدىق كەڭىستىك پەن سكۆەر سالىنادى.
دەمالۋ جانە سەرۋەندەۋ ءۇشىن قوعامدىق كەڭىستىك (سكۆەر) قۇرۋ بويىنشا ۇقساس جوسپار ماڭگىلىك ەل داڭعىلىنىڭ جانىنداعى ەسىل اۋدانىنداعى №9 ەمحانا مەن №77 مەكتەپ-گيمنازيا اراسىنداعى ۋچاسكەدە جۇزەگە اسىرىلادى.
م.گوركيي-كوسىگين-چەليۋسكينسيەۆ-يشيمسكايا كوشەلەرىنىڭ كۆادراتىندا تك ورنىنا سكۆەر سالىنادى.
ەلوردانىڭ جەلىلىك پاركىندە تك قۇرىلىسى توقتاتىلدى، ساياباقتى اباتتاندىرۋ جۇمىستارى جالعاسۋدا.
قابانباي باتىر داڭعىلىنداعى كەرەي-جانىبەك حاندار جانە ورىنبور كوشەلەرىنىڭ اراسىنداعى جەر تەلىمىندە قالا تۇرعىندارىمەن وتكەن كەزدەسۋلەردە ايتىلعانداي، مەديسينالىق ورتالىق سالىنادى.
اتالعان جوبالار بويىنشا ەگجەي-تەگجەيلى جوسپارلاۋ جوباسىنا وزگەرىستەر ەنگىزىلدى.
