انتيكور مالىمەتىنشە، تەرگەۋ "التىن ادامنىڭ" الەم مۇراجايلارى بويىنشا شەرۋى" حالىقارالىق كورمەسىن وتكىزۋگە، سونداي-اق "قازاقستاننىڭ ۇلتتىق كيەلى نىساندارى مەن مۋزەي قورلارىن جالپىمەملەكەتتىك فوتوگراممەتريالىق 3D-سكانەرلەۋ" جانە "قازاقستان رەسپۋبليكاسىنىڭ ۇلتتىق سيفرلىق كينوكوللەكسياسىن سيفرلاندىرۋ" جوبالارىنا بولىنگەن بيۋدجەت قاراجاتىن ۇرلاۋ دەرەگى بويىنشا جۇرگىزىلىپ جاتىر.
سونىمەن قاتار، ا.مۇحامەدي ۇلىنىڭ مادەنيەت جانە سپورت ءمينيسترى لاۋازىمىندا بولعان كەزىندە تۋىستارىنىڭ جانە ۇلەستەس تۇلعالارىنىڭ مەنشىگىنە "سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى" رمقك، "قازاق ەنسيكلوپەدياسى" اق جانە "قازاق عىلىمي-زەرتتەۋ مادەنيەت ينستيتۋتى" ج ش س زاڭسىز بەرۋگە قاتىستىلىعى تەكسەرىلىپ جاتىر.
"تەرگەلىپ جاتقان قىلمىستىق ىستەر بويىنشا مەملەكەتكە كەلتىرىلگەن زالالدىڭ الدىن الا سوماسى شامامەن 7 ميلليارد تەڭگە.
ا.مۇحامەدي ۇلىنىڭ قاماۋدا ۇستاۋ مەرزىمى 4 ايعا دەيىن، وسى جىلدىڭ 26 قىركۇيەگىنە دەيىن ۇزارتىلدى. تەرگەۋ جالعاسىپ جاتىر"، - دەلىنگەن حابارلامادا.
