اقش-تا جۇيرىك اتقا تەننيستەن ەلىمىزدىڭ ءبىرىنشى، الەمنىڭ بەسىنشى راكەتكاسى ەلەنا رىباكينانىڭ ەسىمى بەرىلدى، دەپ حابارلادى Rraketkasi Telegram-ارناسى.
امەريكا قۇراما شتاتتارىندا بىلتىردان بەرى «رىباكينا» دەگەن لاقاپ اتى بار ءۇش جاسار جىلقى جارىستارعا قوستىرىلىپ كەلەدى. ول وسى ۋاقىتقا دەيىن ەكى جارىسقا قاتىستىرىلىپ، ونىڭ بىرىندە ءۇشىنشى ورىن الدى.
قولدا بار مالىمەتكە قاراعاندا، «رىباكينانىڭ» جالپى تابىسى ءدال ءقازىر 7 340 دوللار بولىپ وتىر، – دەلىنگەن حابارلامادا.
اسىل تۇقىمدى جۇيرىك اتقا قازاقستاننىڭ اتاقتى سپورتشىلارىنىڭ ەسىمىن بەرۋ العاش رەت بەرىلىپ وتىرعان جوق.
2020 جىلى اقش-تا تاعى ءبىر سايگۇلىككە بوكسشى گەنناديي گولوۆكيننىڭ ەسىمى بەرىلگەن بولاتىن. ءقازىر ونىڭ يەسى جىلقىنى قۇراما شتاتتاردا جارىسقا قوستىرىپ ءجۇر.
