ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ايتباي جۇماعۇلوۆ: 46 شاحتەر قازا بولعاندا، استانادان ءبىر دەپۋتات كەلمەدى

02 اقپان 2024 46
بەلگىلى ايتىسكەر اقىن، قاراعاندى وبلىستىق ءماسليحاتىنىڭ دەپۋتاتى ايتباي جۇماعۇلوۆ كوستەنكو شاحتاسىندا كەنشىلەر قازا تاپقاندا، بىردە-بىر دەپۋتات كەلمەگەنىن ايتتى.

ايتىسكەردىڭ ايتۋىنشا، حالىق قالاۋلىلارى تۇكپىر-تۇكپىردەگى اۋىلدارعا بارمايتىن كورىنەدى.
"نەگە دەپۋتاتتار تۇكپىر-تۇكپىردەگى اۋىلدارعا بارمايدى؟ مەن بارعاندا، ادامدارمەن بىرگە جىلادىم. ادامدارمەن جەكە قالعاندا، ماسەلە ايتسا، جۇرەگىڭ ەزىلىپ جىلاپ، حالىقتىڭ جايىن سەزىنەسىڭ. قايدا باراتىنىڭنىڭ ءبارى جوسپارلانىپ، تاماعىڭدى دايىنداپ، ساعان قوياتىن سۇراقتى ءبىلىپ تۇرىپ بارا سالعىسى كەلەدى ءبارى.

كەشە مەن “التىن دومبىراعا” باردىم. “امانات” پارتياسى ۇيىمداستىرعاندىقتان كوپ دەپۋتاتتار كەلدى. مەن ايتتىم 46 ادام كوستەنكو شاحتاسىندا مەرت بولعاندا، نەگە كەلمەدىڭدەر دەدىم. “بىزدە جىبەرمەيدى، ەكى دەپۋتات باردى، ءبارى پروتوكولمەن عوي” دەدى.

ايتىسكەر بولسىن، زاڭگەر بولسىن بارلىق دەپۋتاتقا قاتىستى بۇل. دەپۋتاتتىڭ بىرەۋى كەلمەدى. سول شاحتەرلار، حالىق سايلادى عوي ولاردى. كەلسە، ءوز حالقى عوي. 1 ەمەس، 46 ادام قايتىس بولدى. استانانىڭ ىرگەسىندەگى قاراعاندىعا كەلە المادى عوي. 1 اپتا 10 كۇن جەرلەدىك”-دەدى دەپۋتات Life 09 you tube جوباسىنا بەرگەن سۇحباتىندا.

فوتو: bugin.kz
بۇل ماقالا تۋرالى نە ويلايسىز؟