Reuters اگەنتتىگىنىڭ جازۋىنشا، بۇل ەسكەرتۋدى قىتايدىڭ كييەۆتەگى ەلشىسى فان سيانجۋن ۋكراينا ۇكىمەتىنىڭ جوعارى لاۋازىمدى تۇلعالارىمەن كەزدەسۋ بارىسىنداي ايتقان.
ءقازىر ۋكراينانىڭ «تەرروريزمنىڭ حالىقارالىق دەمەۋشىلەرى» دەگەن تىزىمىندە ءارتۇرلى ەلدەردەن 48 كومپانيا بار، ولاردىڭ 14ء-ى – قىتايلىقتار. وتكەن جىلدىڭ قازان ايىندا كييەۆ ءبىرقاتار قىتايلىق فيرمانى تىزىمگە ەنگىزدى. ونىڭ ىشىندە CNPC، Sinopec Group، CNOOC مۇناي-گاز كومپانيالارى بار.
باسىلىمنىڭ حابارلاۋىنشا، جۇڭگو سىرتقى ىستەر مينيسترلىگى بۇل تىزىمگە قىتايلىق كومپانيالاردى ەنگىزۋگە قارسى جانە ۋكراينادان «قاتەلەردى دەرەۋ تۇزەتىپ، جاعىمسىز سالداردى جويۋدى» تالاپ ەتەدى.
بۇل رەتتە جۇڭگو تاراپى ۋكرايناعا ەشقانداي شارت قويماعانىن، تەك تىزىمگە قاتىستى ءوز پىكىرىن بىلدىرگەنىن مالىمدەپ وتىر.
فوتو: Pixabay
