بىلتىر اگەنتتىك 4 سالاعا اۋقىمدى تالداۋ جۇرگىزگەن. ولار: ساۋدا جانە ينتەگراسيا، قارجى، اۋىل شارۋاشىلىعى، ەكولوگيا جانە تابيعي رەسۋرستار مينيسترلىكتەرى. تالداۋ ناتيجەسىندە 70-تەن اسا فۋنكسيانى ءبولۋ كەرەكتىگىن انىقتالعان.
«بيۋروكراتيانىڭ ءبىرىنشى بەلگىسى – باسقارۋ قۇرىلىمى مەن شتات سانىنىڭ جەتكىلىكسىزدىگى جانە ارتىق بولۋى. بۇل – كوبىنە مەملەكەتتىك ورگانداردا باسشى لاۋازىمدار سانىنىڭ ارتىق بولۋ دەرەگى. ول باسشى قۇرامعا جۇكتەمەنى ازايتۋعا، باسقارۋدىڭ تيىمدىلىگى مەن جەدەلدىگىن تومەندەتۋگە، جاۋاپكەرشىلىكتەن جالتارۋعا، قارجىلىق مۇمكىندىكتى ازايتىپ، قىزمەتكەرلەردى ىنتالاندىرۋعا مۇمكىندىك بەرمەيدى. مىسالى، ەكولوگيا جانە تابيعي رەسۋرستار مينيسترلىگىندە ورتالىق اپپاراتىنىڭ شتات سانى – 122. ونىڭ ىشىندە 61 لاۋازىمدى باسشى جانە سونشا ورىنداۋشى بار، ياعني باسقارۋشى جانە ورىنداۋشى بۋىننىڭ اراقاتىناسى: بىرگە – ءبىر. سونىمەن قاتار وسى مينيسترلىكتىڭ قۇرىلىمىندا جەكە دەپارتامەنت بار. وندا باسقارۋشى جانە ورىنداۋشى بۋىننىڭ اراقاتىناسى – 4/1-گە تەڭ. دەمەك، 4 باسشى جانە 1 ورىنداۋشى بار دەگەن ءسوز. ناقتى ايتساق، ءبىز ديرەكتور، ديرەكتوردىڭ ورىنباسارى، 2 ءبولىم باسشىسى جانە 1 باس ساراپشى تۋرالى ايتىپ وتىرمىز»، – دەدى سالاۋات مۇكسىموۆ.
فوتو: parlam.kz
