ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اباي وبلىسىنىڭ اياگوز وزەنىندە سۋ دەڭگەيى كوتەرىلدى

29 ناۋرىز 2024 209

اباي وبلىسى اياگوز اۋدانىنداعى وزەننىڭ سۋ دەڭگەيى كوتەرىلىپ، 172 ادام ەۆاكۋاسيالاندى.

ساقتىق شارالارىن ساقتاۋ ماقساتىندا وزەن ىرگەسىندە ورنالاسقان تولەندين كوشەسىندەگى 43 جەكە تۇرعىن ۇيدەن 172 ادام ەۆاكۋاسيالاندى.

«تۇرعىنداردى ۋاقىتشا ورىنعا جەتكىزۋ ءۇشىن 3 اۆتوبۋس ءبولىندى. الايدا ازاماتتاردىڭ كوپشىلىگى تۋعان-تۋىستارىنىڭ ۇيلەرىنە كەتتى. قالعاندارى مەكتەپ-ينتەرنات جاتاقحاناسىنا جانە جاسوسىپىرىمدەر سپورت مەكتەبىنە ورنالاستىرىلدى»، - دەپ جازىلعان اقپاراتتا.

سونىمەن قاتار اياگوز وزەنىنە جاقىن ەشماعانبەتوۆ، شىڭعوجا باتىر كوشەلەرىنىڭ تۇرعىندارىنا ساقتىق شارالارىن ساقتاۋ ەسكەرتىلدى. بارلىعى 324 تۇرعىن قامتىلدى.

«مامىرسۋ اۋىلدىق وكرۋگىندە دە سۋ دەڭگەيى كوتەرىلىپ، ساقتىق شارالارىن ساقتاۋ ماقساتىندا وزەن جاعاسىنا جاقىن ورنالاسقان 10 ۇيگە، (ونىڭ ىشىندە 30 ەرەسەك، 40 بالا) ەسكەرتۋ جاسالدى. ەۆاكۋاسيا پۋنكتى دايىن. توتەنشە جاعداي بويىنشا شتاب قۇرىلىپ، كەزەكشىلىك ۇيىمداستىرىلعان»، - دەلىنگەن حابارلامادا.

 

بۇل ماقالا تۋرالى نە ويلايسىز؟