ءبىر بەلگىلىسى، وپات بولعانداردىڭ باسىم كوپشىلىگى تۇتىنگە تۇنشىعىپ ولگەن. تجم ماماندارى عيماراتتىڭ جۇك ساقتالاتىن قويمالارىنا، دارەتحانالارعا، باسقا دا تۇكپىرىنە قاشىپ تىعىلعان، سول جەردە ءيىس ءتيىپ، كوز جۇمعان ادامدار توپتارىن تاپتى.
رەسەيلىك "نوۆايا گازەتا" تەرروريستەرگە ادامداردى قىرۋعا ۋلى ءتۇتىن كومەكتەسكەنىن، كوررۋپسيا جانە قاۋىپسىزدىك ەرەجەلەرىن بۇزۋ – تەراكت قۇرباندارىنىڭ سانىن ەسەلەپ ارتتىرعانىن جازدى.
"كەشكى سەگىزدە باستالعان لاڭكەستىك اكتى كەزىندە تەررورشىلار "كروكۋس سيتي" عيماراتىن ورتەدى. "ءتىلسىز جاۋ" 13 مىڭ شارشى مەترگە دەيىن اۋماققا جايىلدى. ءورت سوندىرۋشىلەر وتتى سوندىرۋگە كەش كىرىسىپ، تەك تۇنگە قاراي ونى اۋىزدىقتاي الدى. ءبىراق ونى تولىعىمەن جويۋ ەكىنشى تاۋلىكتە عانا مۇمكىن بولدى. جالىنمەن كۇرەسكە 320 ءورت ءسوندىرۋشى جانە ءۇش تىكۇشاق تارتىلدى. اۋە كولىكتەرى جالپى كولەمى كەم دەگەندە 160 توننا سۋ شاشتى. ءبىز سۇراستىرعان ساراپشىلار كوپتەگەن ادامنىڭ ۋلى تۇتىننەن ءجانتاسىلىم ەتكەنىن ايتتى"، – دەيدى جۋرناليست ناتاليا گلۋحوۆا.
