اباي وبلىسىندا جولعا شىعىپ، تاكسي ۇستاعان بويجەتكەن جوعالىپ كەتتى. ول سەمەي جاققا قاراي بارا جاتقان كولىككە وتىرعان، دەپ حابارلايدى Alash.KZ ۇلتتىق پورتالى.
اباي وبلىسى پوليسيا دەپارتامەنتىنىڭ مالىمەتىنشە، اباي اۋدانىندا جول ۇستىندە جوعالعان قىزدى ىزدەۋ جۇمىستارى ءجۇرىپ جاتىر. 2 ماۋسىم كۇنى پوليسياعا بورودۋليحا اۋدانىنىڭ تۇرعىنى حابارلاسقان. ول 1994 جىلى تۋعان قىزى دينارا عالي قىزى دوسىمبەكوۆانىڭ جوعالىپ كەتكەنىن حابارلادى.
"26 مامىردا جوعالعان قىز سەمەي قالاسىنا اتتانىپ كەتكەن، ونىڭ قايدا ەكەنى بەلگىسىز، پوليسيا قىزمەتكەرلەرى ونى تابۋ ءۇشىن جەدەل-ىزدەستىرۋ شارالارىن جۇرگىزىپ جاتىر"، – دەپ حابارلادى اباي وبلىستىق پوليسيا دەپارتامەنتىنىڭ باسپا ءسوز قىزمەتى.
پوليسيا وكىلدەرى بويجەتكەننىڭ بويى 165 سانتيمەتر، دەنە ءبىتىمى ورتاشا، كوزى كوك، شاشى اشىق قوڭىر بولعانىن،دجينسى كۇرتە، دجينسى شالبار جانە اق كروسسوۆكا كيگەنىن ايتادى.
