ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«9-20-25» باعدارلاماسىمەن كىمدەر باسپانالى بولا الادى؟

15 جەلتوقسان 2023 45
كەلەسى جىلدان باستاپ «بايتەرەك» حولدينگى مەن وتباسى بانك «9-20-25» باعدارلاماسىن ىسكە قوسادى. باعدارلاما عىلىمي جەتىستىكتەرى بار جاستارعا باعىتتالعان.  «وتباسى بانك» اق باسقارما ءتوراعاسى ءلاززات يبراگيموۆا جاڭا يپوتەكالىق باعدارلامانىڭ شارتتارىن ءتۇسىندىردى.  بانك وكىلىنىڭ ايتۋىنشا، «9-20-25» باعدارلاماسىنا ۇمىتكەردىڭ سوڭعى 5 جىلدا باسپاناسى بولماۋى كەرەك دەگەن شارت جازىلادى.  

جاڭا يپوتەكالىق باعدارلامانى ىسكە قوسقاندا «7-20-25» باعدارلاماسىندا جىبەرىلگەن قاتەلىكتەر ەسكەرىلە مە؟ بانك باسشىنىڭ پىكىرىنشە،  ەگەر وبەكتىدە قتۇك كەپىلدىگى بولسا، نىسان قۇرىلىسى تولىق اياقتالادى. «ءبىز „9-20-25“ باعدارلاماسىنا تەك دايىن تۇرعىن ءۇي عانا ەمەس، قتۇك كەپىلدىگىمەن سالىنىپ جاتقان تۇرعىن ءۇي دە قاتىسۋى كەرەك دەگەن ۇسىنىستى قولدايمىز»، - دەدى ءلاززات يبراگيموۆا.

سپيكەر بانكتىڭ قۇرىلىس سالۋشىلارمەن ءجيى كەزدەسەتىنىن جانە قوسىمشا ماسەلەلەردى ءبىلىپ وتىراتىنىن ايتتى. «مىسالى، «7-20-25» باعدارلاماسىنا قاتىسۋ سانى بويىنشا شەكتەۋلەر بولعان جوق. ياعني، كليەنت 2019 جىلى پاتەر ساتىپ الىپ، باسپانا باعاسىنىڭ ءوسۋىن پايدالانىپ، ونى ساتا الدى جانە 2021 جىلى قايتادان يپوتەكالىق باعدارلاماعا قاتىسا الدى. بۇل باعدارلامادا وعان تىيىم سالىنادى. ادام تەك ءبىر رەت قاتىسادى. بۇدان باسقا، „9-20-25“ باعدارلاماسىندا ءوتىنىم بەرۋ كەزىندە 5 جىل بويى تۇرعىن ءۇي بولماۋى ءتيىس. بۇل باعدارلامادا، سونداي-اق جاس عالىمدار باعدارلاماسىندا قاتاڭ شارتتار بار. ءبىز مۇنى مەملەكەتتىك دەرەكتەر بازاسى ارقىلى تەكسەرەتىن بولامىز»، - دەپ تولىقتىردى «وتباسى بانك» باسشىسى.

 
بۇل ماقالا تۋرالى نە ويلايسىز؟