ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەل ازاماتتارى الماتىدا قازاقستان حالقىنا ۇندەۋ جاسادى

02 ماۋسىم 2022 73
2 ماۋسىم كۇنى الماتىداعى قازاقستان باسپا ءسوز كلۋبىندا ەلدىڭ ءبىر توپ جاناشىر ازاماتتارى الداعى رەفەرەندۋمدا داۋىس بەرۋگە قاتىسۋعا شاقىرۋ ماقساتىندا باسپا ءسوز جيىنىن وتكىزدى.

ەلىمىزدە جالپىحالىقتىق رەفەرەندۋمنىڭ وتۋىنە ساناۋلى كۇن قالدى. وسىعان وراي بۇگىن قوعام قايراتكەرلەرى مەن كاسىپكەرلەر كونستيتۋسياعا ەنگىزىلەتىن تۇزەتۋلەرگە جەكە-جەكە توقتالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

باسقوسۋعا قاتىسقان ونەر قايراتكەرلەرى ەل ومىرىندەگى وزگەرىستەرگە قوعام تۇگەلدەي اتسالىسۋ كەرەك دەگەن پىكىر ايتتى.
«مەنىڭ تۇسىنىگىم بويىنشا بۇل جەردە ۇسىنىلعان ۇسىنىستاردىڭ باسىم كوپشىلىگى كەرەك دۇنيە. رەفەرەندۋم جالپى ءار مەملەكەتتە بولادى. ول 20-30-50 جىلدا ءبىر-اق رەت بولۋى مۇمكىن. سەبەبى جاڭا قازاقستاندى قۇرامىز دەپ وتىرمىز. سوندىقتان پرەزيدەنتىمىز وسىنداي وزگەرىستەردى ۇسىندى. وسىنى حالىققا ءتۇسىندىرۋىمىز كەرەك»، – دەدى «دوس-مۇقاسان» توبىنىڭ جەتەكشىسى، كومپوزيتور مۇرات قۇسايىنوۆ.

«پرەزيدەنتىمىزدىڭ ءوزى ۇلگى كورسەتتى. ەشقانداي تۋىستارى، كومانداسى، جاقىندارى وزىمەن بىرگە جۇمىس ىستەمەيدى. بارىنە توقتاۋ سالدى. وبلىستىڭ اكىمى، مينيسترلەر،  كومانداسىن جان-جاققا اپارماۋى كەرەك. مىنە كىم ىستەي الادى؟ كىمنىڭ قولىنان كەلەدى؟ كىمنىڭ قابىلەتى بار؟  قاي جاقتىڭ ادامى؟ وعان بايلانىستى ەمەس. ۇلگى الۋ كەرەك»، – دەدى ق ر ەڭبەك سىڭىرگەن قايراتكەرى، تەاتر جانە كينو اكتەرى بولات ءابدىلمانوۆ.
بۇل ماقالا تۋرالى نە ويلايسىز؟