ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىدا قاڭتار وقيعاسى كەزىندە وققا ۇشقان 4 جاسار ايكوركەمگە ارنالعان مۋرال پايدا بولدى

03 ماۋسىم 2022 98
[ad_1]



الماتىدا قاڭتار وقيعاسى كەزىندە وققا ۇشقان 4 جاسار ايكوركەم مەلدەحانعا ارنالعان مۋرال پايدا بولدى. Masa.media سايتىنىڭ جازۋىنشا، مۋرال ءبىر جىل بۇرىن نازاربايەۆتىڭ "كۇشىن جويۋدى" تالاپ ەتكەن سۋرەت سالىنعان جەردە پايدا بولعان. ياعني، جاروكوۆ پەن مىڭبايەۆ كوشەلەرىنىڭ قيىلىسىنداعى گاراج قابىرعاعا سالىنعان.

مۋرالدا #QazaqKoktemi دەگەن حەشتەگ، سونىمەن بىرگە "قاي اعا ماعان وق اتقان؟" دەگەن جازۋ بار. بۇل قايعىدان قان جۇتقان ايكوركەمنىڭ اكەسى ايدوس مەلدەحان شىعارعان ولەڭنەن ءۇزىندى.

مۋرال تۋرالى اقپاراتتى Rukh2k19 توبى ينستاگرام-پاراقشاسىندا جاريالادى. وندا قاڭتار وقيعاسىن ءادىل تەرگەۋدى تالاپ ەتكەن ۇندەۋ دە بار.

"...ءبىز ادىلدىكتى تالاپ ەتەمىز. بىزگە قوسىلىپ، ءسىز دە ادىلدىكتى تالاپ ەتىڭىز. ءوزىمىزدى ءوزىمىز قورعاماساق، باسقا ەشكىم كەلىپ، قورعامايدى..." دەپ جازىلعان جازبادا.

ءتورت جاسار ايكوركەم مەلدەحان 7 قاڭتاردا الماتىدا دۇكەن ىزدەگەن جاقىندارىنا ىلەسىپ جۇرگەن كەزدە وققا ۇشقان. ونىڭ 16 جاستاعى اپكەسى جارالانىپ، اقپاندا اۋرۋحانادان شىققان. كولىككە كىم وق اتقانى ءالى كۇنگە دەيىن بەلگىسىز. قوعام تالابىنا قاراماستان بيلىك بەيبىت تۇرعىندارعا وق اتۋ بويىنشا قانشا كۇدىكتى بار ەكەنىن ايتپادى.

  • قاڭتاردىڭ باسىندا ەلدە سۇيىتىلعان گاز باعاسىنىڭ قىمباتتاۋىنا بايلانىستى ميتينگ ءوتىپ، نارازىلىقتىڭ سوڭى قانتوگىسكە ۇلاسقان. بيلىك شەتەلدە دايىندىقتان وتكەن "تەرروريستەر شابۋىلى" تۋرالى ايتتى، ءبىراق وعان دالەل-ايعاق كەلتىرگەن جوق. پرەزيدەنت قاسىم-جومارت توقايەۆ كۇشتىك قۇرىلىمعا ەسكەرتۋسىز وق اتۋعا بۇيرىق بەرگەنىن مالىمدەدى. ول سونىمەن بىرگە ەلدە بيلىكتى كۇشپەن باسىپ الۋ تالپىنىسى بولعانىن ايتىپ، الايدا ونى كىم ۇيىمداستىرعانىن ناقتىلامادى.



  • رەسمي دەرەك بويىنشا، قاڭتار وقيعاسىندا 230 ادام قازا بولدى. بۇعان قوسا، وقيعا كەزىندە ۇستالعان تاعى سەگىز ادامنىڭ تەرگەۋ يزولياتورىندا كوز جۇمعانى بەلگىلى بولدى. بيلىك قوعام تالابىنا قاراماستان وپات بولعانداردىڭ ەسىمىن جانە ولاردىڭ قانداي جاعدايدا قازا بولعانى جايلى اقپاراتتى جاريالامادى.




[ad_2]

دەرەككوز
بۇل ماقالا تۋرالى نە ويلايسىز؟