ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىداعى سايلاۋ ۋچاسكەلەرى 2گيس جانە Yandex Maps سەرۆيستەرىندە قولجەتىمدى

02 ماۋسىم 2022 115
جوبانى الماتى اكىمدىگى 2گيس جانە Yandex Maps سەرۆيستەرىمەن بىرلەسىپ ىسكە اسىردى. قالا تۇرعىندارىنا ىڭعايلى بولۋ ءۇشىن قوسىمشالار كارتالارىندا ءوزىڭىز داۋىس بەرەتىن ۋچاسكەنىڭ ورنالاسقان جەرىن انىقتاۋ مۇمكىندىگى پايدا بولدى. داۋىس بەرۋ ۋچاسكەسىن ىزدەۋدىڭ نەگىزگى سوزدەرى: "سايلاۋ ۋچاسكەلەرى"، "رەفەرەندۋم ۋچاسكەسى"، «Referendum precinct».

2گيس كارتالارىندا تىركەلۋ مەكەنجايىنا سىلتەمە بويىنشا ءوز ۋچاسكەڭىزدى انىقتاۋدىڭ قوسىمشا مۇمكىندىگى بار. ول ءۇشىن ءۇيدىڭ كارتاسىن اشىپ، "قىزمەتتەر"بولىمىنە ءوتۋ كەرەك.
ەسكە سالساق، الماتى تۇرعىندارى ءۇشىن تەلەفون ارقىلى ءبىرىڭعاي Call-ورتالىق ىسكە قوسىلدى: +7(727) 338 45 45، رەفەرەندۋمعا قاتىسۋعا قۇقىعى بار ازاماتتاردىڭ تىزىمىندە ءوزىڭىزدى تەكسەرۋگە، سونداي-اق ۋچاسكەنىڭ ءنومىرى مەن مەكەجايىن انىقتاي الاسىز. بۇل اقپاراتتى open-almaty.kz سايتىننان جانە



@ReferendumAlmaty2022Bot Telegram-بوت ارقىلى الۋعا بولادى. ول ءۇشىن جسن ءنومىرىن ەنگىزۋ قاجەت.

رەسپۋبليكالىق رەفەرەندۋم 2022 جىلعى 5 ماۋسىمدا وتەدى. رەفەرەندۋمعا "2022 جىلعى 6 مامىردا بۇقارالىق اقپارات قۇرالدارىندا جاريالانعان "قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسى زاڭىنىڭ جوباسىندا باياندالعان قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلاردى قابىلدايسىز با" سۇراعى قويىلدى.
تولىق اقپارات الماتى اكىمدىگىنىڭ سايتىندا قولجەتىمدى.
بۇل ماقالا تۋرالى نە ويلايسىز؟