ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

60 مىڭ گەكتار وتقا ورانىپ، 14 ادام قازا تاپقان "سەمەي ورمانى" بيىل دا ءورت كەساپاتىنا دايىن ەمەس

18 ءساۋىر 2024 331

پرەمەر-مينيستردىڭ ورىنباسارى قانات بوزىمبايەۆ ءبىرقاتار ورمان قورىقتارى ءورت كەساپاتىنا دايىن ەمەستىگىن ايتتى. بۇل تۋرالى ول ءورت ءقاۋىپتى كەزەڭگە دايىندىق ماسەلەلەرى جونىندەگى كەڭەستە ءمالىم ەتتى.

ەكولوگيا جانە تابيعي رەسۋرستار مينيسترلىگى 158 مەملەكەتتىك ورمان يەلەنۋشىلەردى تەكسەردى.

«بۇزۋشىلىقتاردىڭ ىشىندە جانار-جاعارماي ماتەريالدارىنىڭ ساتىپ الىنباۋى جانە قورىنىڭ جوقتىعى، ورمان ءورت ءسوندىرۋ بەكەتتەرى عيماراتتارىنىڭ اپاتتى جاعدايى نەمەسە ولاردىڭ بولماۋى، ءورت ءسوندىرۋ مۇنارالارىنىڭ جوقتىعى، ارنايى تەحنيكانىڭ توزۋى انىقتالدى. سونداي-اق ءجيى كەزدەسەتىن بۇزۋشىلىقتار: راسيالاردىڭ بولماۋى جانە قورعانىس كيىمدەرىنىڭ بولماۋى» دەلىنگەن حابارلامادا.

«اباي جانە قوستاناي وبلىستارىندا ورىن العان ءىرى تابيعي ورتتەردىڭ سالدارى جاقسى ەسىمىزدە. ءاربىر قىزمەتكەردى ءورت ءسوندىرۋ تەحنيكاسىمەن، راسيامەن جانە قاجەتتى قۇرال-جابدىقتارمەن مىندەتتى تۇردە قامتاماسىز ەتۋگە ەرەكشە نازار اۋدارعىم كەلەدى» دەدى قانات بوزىمبايەۆ.

وتىرىس قورىتىندىسى بويىنشا پرەمەر-مينيستردىڭ ورىنباسارى وبلىس اكىمدىكتەرىنە ءبىر اپتا ىشىندە دالا ءورتىنىڭ ءقاۋپىن ازايتۋ بويىنشا وڭىرلىك ءىس-شارالار جوسپارىن ازىرلەپ، بەكىتۋدى تاپسىردى.

«وبلىس اكىمدەرى وڭىرلىك جوسپاردىڭ ءىس-شارالارىنىڭ ورىندالۋىنا جەكە جاۋاپكەرشىلىكتە بولادى» دەپ ەسكە الدى قانات بوزىمبايەۆ.

سونداي-اق توتەنشە جاعدايلار مينيسترلىگىنە ءبىر اپتا ىشىندە اەروۆيزۋالدى باقىلاۋ جانە ءورتتى ءسوندىرۋ ءۇشىن كورسەتىلەتىن تىكۇشاق قىزمەتتەرىنىڭ كولەمىن ۇلعايتۋ بويىنشا ۇسىنىستار ەنگىزۋ تاپسىرىلدى.

«ەكولوگيا مينيسترلىگىنە ورمان قورىنداعى ورتتەردى ەرتە انىقتاۋ جۇيەلەرىن ورناتۋ جانە ورمان شارۋاشىلىعى مەن تابيعاتتى قورعاۋ مەكەمەلەرىن ماتەريالدىق-تەحنيكالىق جاعىنان جاڭارتۋ بويىنشا جۇمىستى كۇشەيتۋ تاپسىرىلدى. سونىمەن قاتار، ءورت ءقاۋپى جوعارى كەزەڭدە ىشكى ىستەر مينيسترلىگى مەن اكىمدىكتەر ورمان قورىندا جەكە تۇلعالاردىڭ بولۋىن بولدىرماۋ، ونىڭ ىشىندە مۇمكىن بولاتىن ورتكە جول بەرمەۋ شارالارىن قابىلدايدى. مۇنداي فاكتىلەر انىقتالسا، ازاماتتار زاڭعا سايكەس جاۋاپكەرشىلىككە تارتىلادى» دەدى ۇكىمەت.

ۇكىمەتتىڭ مالىمەتىنشە، بۇگىندە توتەنشە جاعدايلار مينيسترلىگىندە 441 ءورت ءسوندىرۋ ءبولىمى جۇمىس ىستەيدى.

«وڭىرلەردە 230 ەرىكتى جاساق، سونداي-اق جەرگىلىكتى اتقارۋشى ورگانداردىڭ 709 لاۋازىمى قۇرىلدى. ۆيسە-پرەمەر مەملەكەتتىك ءورت ءسوندىرۋ قىزمەتى جوق تاعى 49 ءورت ءسوندىرۋ بەكەتىن قۇرۋدى جەدەلدەتۋدى تاپسىردى. ءورت ءقاۋپى كەزەڭىنە دايىندىق اياسىندا 272،5 ميلليون گەكتار اۋماقتا عارىشتىق مونيتورينگ جۇرگىزىلۋدە. دەگەنمەن، سپۋتنيكتەردەن الىنعان دەرەكتەر توتەنشە جاعدايلار مينيسترلىگىنىڭ ستانساسىنا ەل اۋماعىنان تولىق ۇشىپ وتكەننەن كەيىن بىرنەشە ساعات وتكەن سوڭ جۇكتەلەدى. بۇگىنگى تاڭدا سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ۆيرتۋالدى ستانسيا قۇرۋمەن اينالىسۋدا، ول ءورتتى انىقتاۋ مەن سپۋتنيكتىك سۋرەتتى جۇكتەۋ اراسىنداعى ۋاقىتتى 20-40 مينۋتقا دەيىن قىسقارتادى» دەپ تولىقتىردى مينيسترلەر كابينەتى.
بۇل ماقالا تۋرالى نە ويلايسىز؟