ۇلىتاۋ وبلىسىنىڭ پروكۋراتۋراسى اعىمداعى جىلدىڭ باسىنان جالپى سوماسى 3،7 ملرد تەڭگەنى قۇرايتىن 12 مەملەكەتتىك ساتىپ الۋدىڭ كۇشىن جويدى، دەپ جازادى Alash.kz سايتى.
تالداۋ ناتيجەلەرى كورسەتكەندەي، جەرگىلىكتى اتقارۋشى ورگاندار كونكۋرستاردى جاريالاۋ كەزىندە ءتيىستى ساراپتامالار جۇرگىزبەگەن، جوبالىق-سمەتالىق قۇجاتتامالار بولماعان جانە الەۋەتتى جەتكىزۋشىلەردىڭ جاعدايىن ناشارلاتاتىن تالاپتار كوزدەگەن.
مىسالى، جەزقازعان قالاسىنىڭ ەكونوميكا جانە قارجى ءبولىمى 1،9 ملرد تەڭگەگە اۆتوموبيل جولدارىن كۇتىپ ۇستاۋعا مەملەكەتتىك ساتىپ الۋ جاريالاعان دەپ جازدى inbusiness.kz.
بۇل رەتتە تاپسىرىس بەرۋشى كونكۋرستىق قۇجاتتامادا زاڭدا كوزدەلمەگەن بىلىكتىلىك تالاپتارىن نەگىزسىز قويعان (مەملەكەتتىك ساتىپ الۋ نىساناسىنا جاتپايتىن زاڭنامانى ساقتاۋ بولىگىندە).
سونىمەن قاتار تاپسىرىس بەرۋشى بيۋدجەت زاڭناماسىنىڭ تالاپتارىن بۇزا وتىرىپ، 3 جىل مەرزىمگە قالا جولدارىن كۇتىپ ۇستاۋ تۋرالى كەلىسىم شارت جاساسۋدى جوسپارلاعان.
الايدا، مۇنداي جۇمىستار مەرزىمى اعىمداعى قارجى جىلىنان اساتىن شارتتار تىزىمىنە كىرمەيدى.
باسقا جاعدايدا، ۇلىتاۋ وبلىسى دەنساۋلىق ساقتاۋ باسقارماسىنىڭ وبلىستىق پسيحيكالىق دەنساۋلىق ورتالىعى ناۋقاستاردى تاماقتاندىرۋ قىزمەتىن ساتىپ الۋ كەزىندە قارجىنى 17،2 ملن تەڭگەگە نەگىزسىز جوعارىلاتقان.
قاداعالاۋ قىزمەتىنىڭ بۇل باعىتى ۇلىتاۋ وبلىسى پروكۋراتۋراسىنىڭ ۇنەمى ەرەكشە باقىلاۋىندا.
