ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

3 919 431 715 تەڭگە. بورانبايەۆتىڭ قىمبات ءقوناقۇيى قايتا ساتۋعا شىعارىلدى

15 ءساۋىر 2024 281

كاسىپكەر قايرات بورانبايەۆتىڭ يەلىگىنەن كەتكەن استاناداعى قىمبات ءقوناقۇي قايتا ساتۋعا شىعارىلدى، - دەپ حابارلايدى Dalanews.kz.

استانانىڭ ينۆەستيسيالار جانە كاسىپكەرلىكتى دامىتۋ باسقارماسى قايرات بورانبايەۆ تەرگەۋمەن ىنتىماقتاستىق اياسىندا مەملەكەتكە تاپسىرعان Comfort Hotel Astana ءقوناقۇي كەشەنىن قايتا ساتۋعا شىعاردى. 27 ناۋرىزعا بەلگىلەنگەن العاشقى ساۋدا-ساتتىق قاتىسۋشىلاردان ءوتىنىم بولماۋىنا بايلانىستى وتپەگەن.

"ساتىپ الۋ قۇقىعىمەن نىساندى سەنىمگەرلىك باسقارۋعا بەرۋ بويىنشا تەندەر 25 ساۋىرگە بەلگىلەندى. باستاپقى قۇنى وزگەرىسسىز قالىپ وتىر: 3 919 431 715 تەڭگە. كەپىلدىك جارنا 587،9 ميلليون تەڭگە بولادى.

تەندەردىڭ شارتتارى بويىنشا جاڭا يەسى نىساندى تەك ءقوناقۇي بيزنەسىن جۇرگىزۋ ءۇشىن پايدالانا الادى. ساتىپ الۋشىنىڭ مەرزىمى وتكەن كرەديتورلىق بەرەشەگى بولماۋى كەرەك. سونداي-اق، ونىڭ قازاقستاندا قوناقۇيلەردى باسقارۋدا كەمىندە جەتى جىل تاجىريبەسى بولۋعا ءتيىس"، - دەپ جازىلعان informburo.kz مالىمەتىندە.

بۇعان دەيىن دە ينۆەستيسيالار جانە كاسىپكەرلىكتى دامىتۋ باسقارماسى Comfort Hotelء-دى 3،9 ميلليارد تەڭگەگە ساتىپ الۋ قۇقىعىمەن بەس جىلعا سەنىمگەرلىك باسقارۋعا بەرۋدى جوسپارلاپ وتىرعانى تۋرالى اقپارات تارادى.

سول كەزدە ساتىلىم 27 ناۋرىزدا جۇزەگە اسىرىلادى جانە قوناقءۇي جالعىز ادامعا بەرىلۋى مۇمكىن ەكەنى ايتىلدى. جاڭا باسشى بيزنەستىڭ ماقساتىن ساقتاۋعا مىندەتتى.

"قارجىلىق ەسەپ بويىنشا بىلتىر قوناقءۇيدىڭ تازا تابىسى 65،6 ميلليون تەڭگە بولعان"، - دەپ جازىلعان ەدى مالىمەتتە.

ايتا كەتەيىك، بۇعان دەيىن تەرگەۋمەن ەرىكتى ىنتىماقتاستىق اياسىندا قما قايرات بورانبايەۆتىڭ مۇلكىن مەملەكەتكە قايتارۋ شارالارىن قابىلدادى.

قايرات بورانبايەۆتىڭ كومپانيالارى مەملەكەتتىك مۇلىك كوميتەتىنە جالپى قۇنى 1،4 ميلليارد تەڭگەدەن اساتىن Comfort Hotel Astana ءقوناقۇي كەشەنىن مەملەكەت مەنشىگىنە ءوز ەركىمەن بەرۋ ءۇشىن ءتيىستى وتىنىمدەر بەردى.

"اۋماعى 5 مىڭ شارشى مەتردەن اساتىن بۇل ءقوناقۇي كەشەنىنىڭ جىلدىق اينالىمى 900 ميلليون تەڭگەگە جۋىق"، - دەپ جازىلعان ەدى قما مالىمەتىندە.

العاشىندا قولدانىستاعى زاڭناماعا سايكەس بۇل نىساندى دەمالىس، ساۋىقتىرۋ جانە ءبىلىم بەرۋ ورتالىقتارىن ۇيىمداستىرۋ، الەۋمەتتىك ماقساتتا پايدالانۋ جوسپارلانعان ەدى.

بۇل ماقالا تۋرالى نە ويلايسىز؟