سالتانات نۇكەنوۆانىڭ تۋىس اپكەسى سامال نۇكەنوۆا بايجانوۆقا كەشىرىم جوق ەكەنىن ايتتى، دەپ حابارلايدى Alash.KZ ۇلتتىق پورتالى.
سالتانات نۇكەنوۆانىڭ تۋىس اپكەسى سامال نۇكەنوۆا ءوزىنىڭ الەۋمەتتىك جەلى پاراقشاسىندا:
ءبىزدىڭ وتباسىمىز بايجانوۆتى كەشىرمەيدى! ەموسيونالدى، ايانىشتى سوزدەرىنىڭ استارىنان ءبىز شىندىقتى كورمەدىك! ول بوس سويلەدى. بارلىعى سپەكتاكلدى قالاي كەرەمەت ويناعانىن بايقادى دەپ ۇمىتتەنەمىن (جانجال، قارعىس ساتتەرى جانە ت.ب.). ءبىراق وسى شوۋ ارقىلى بەيشارا ەكەنىن كورسەتتى. ازاپتاۋدى راستايدى، ول ءۇشىن "بيچكە" ەڭ كوبى 2 جىل بەرىلەدى. ءبىراق كىسى ولتىرگەنگە كەشىرىم جوق، ءومىر بويى اباقتىعا جابۋعا ءتيىستى اسا اۋىر قىلمىس! بايجانوۆ ءمايىتتى كورپەمەن وراپ، كولىكتى نەگە پاركينگكە اپارعانىن ەشقاشان اشقان ەمەس. نەلىكتەن ولارعا سكوچ قاجەت بولدى، زاتتاي دالەلدەمەلەر قايدا جانە دەنەدە قانداي سىنىق بولعانىن دا ايتپادى. اممياك قايدا كەتتى؟ ەگەر ولار وياتۋ ءۇشىن بۇكىل بوتەلكەنى پايدالانسا جانە ول ويانباسا، ولار بۇل وعاش كورىنبەدى مە؟ - دەپ جازدى.
ەستەرىڭىزدە بولسا،سالتانات نۇكەنوۆانىڭ تۋىس اپكەسى سامال نۇكەنوۆا مارقۇمنىڭ موينىندا قىلعىندىرۋ بەلگىلەرى نەدەن بولۋى مۇمكىن ەكەنىن ايتقان ەدى.
"اناردىڭ (سالتانات نۇكەنوۆانىڭ كومەكشىسى - رەد.) موينىنداعى ءجىپ ءىزى تۋرالى ايتقانى – جازدا شىمكەنتتە ونى قۋاتتاعىش سىمىمەن قىلعىندىرعان. سالتا ونىمەن (بيشىمبايەۆ - رەد.) قارىم-قاتىناسى تۋرالى از-كەم ايتاتىن. قايتىس بولعاننان كەيىن بىزدە جالپى كارتينا پايدا بولدى، ءبىراق 10 ادام بارىپ، ءبارىمىز كەزەك-كەزەك ءوز كورگەنىمىزدى ايتا المايمىز"، - دەگەن ەدى سامال نۇكەنوۆا.
ەسكە سالايىق، 9 قاراشادا ەكس-مينيستر قۋاندىق بيشىمبايەۆتىڭ ۇستالعانى بەلگىلى بولدى. استاناداعى مەيرامحانالاردىڭ بىرىندە كەلۋشىلەر اراسىندا جانجال شىعىپ، سالدارىنان ءبىر ايەل العان جاراقاتىنان كوز جۇمعان. بولجام بويىنشا، اڭگىمە ەكس-مينيستردىڭ ايەلى تۋرالى. بيشىمبايەۆتىڭ ۇستالعانى تۋرالى حابارلامامەن قاتار استانا پوليسياسى ەر ادامنىڭ ۇستالعانى تۋرالى پىكىر ءبىلدىردى. ءبىراق ونىڭ ءاتى-جونىن ناقتىلامادى.
سونداي-اق، ساعات 19:54-تە استانالىق جەدەل مەديسينالىق قىزمەت كورسەتۋ ستانسياسى پۋلتىنە قوڭىراۋ تۇسكەن. جەدەل جاردەم بريگاداسى جەتكەندە 1992 جىلى تۋعان ايەلدىڭ قازا بولعانى راستالدى. كەيىن مارقۇمنىڭ 31 جاستاعى سالتانات نۇكەنوۆا ەكەنى بەلگىلى بولدى. ول - قۋاندىق بيشىمبايەۆتىڭ ايەلى.
كەيىنىرەك قۋاندىق بيشىمبايەۆقا قاتىستى 2 اي مەرزىمگە قاماۋعا الۋ تۋرالى بۇلتارتپاۋ شاراسى تاعايىندالدى.
