"Sot K. Másimov, A. Sadyqulov pen D.Erǵojındi tutqyndaýǵa sanksıa bergenin habarlaımyz. Qylmystyq is "qupıa" sanalady" degen UQK sózin keltirgen jergilikti BAQ.
Dáýlet Erǵojın 2016 jylǵy qarashadan bıylǵy qańtarǵa deıin UQK tóraǵasynyń orynbasary bolǵan. Oǵan deıin qaýipsizdik ıa quqyq qorǵaý salasynda Erǵojınnyń eshqandaı jumys tájirıbesi bolmaǵan. Ol bul qyzmetke Kárim Másimov UQK tóraǵalyǵyna taǵaıyndalǵan soń eki aıdan keıin kelgen.
5 qańtarda Qazaqstannyń shyǵysy men ońtústigindegi narazylyqtarǵa beımálim toptar aralasyp, arty qantógiske ulasty. Sol kezde Toqaev Nazarbaevtyń kóp jylǵy senimdi serigi, UQK tóraǵasy Kárim Másimovti ornynan aldy, ile-shala ol tutqyndalǵan.
Onyń úsh orynbasary Marat Ósipov, Dáýlet Erǵojın men Ánýar Sadyqulov 9 qańtarda qyzmetten bosatylǵany týraly aqparat taraǵan.
