Tiri bolsam, qazaqqa qyzmet etpeı qoımaımyn!

Álıhan Bókeıhan

"Arasynda kóz jumǵandar bar": "Dıkıı Armannyń" qylmystyq toby 24 adamdy urlap áketip, kúshtep ustaǵan

08 aqpan 2022 64

"Dıkıı Arman" degen laqap atpen tanymal Arman Jumageldıevtiń qylmystyq tobynyń músheleri 24 beıbit turǵyndy urlap ketip,  kúshtep ustaǵan. Bul týraly Arnaıy prokýrorlar qyzmetiniń basshysy Rızabek Ojarov málimdedi,  dep habarlaıdy Alash.kz portaly Stan.kz saıtyna silteme jasap.


Ojarovtyń aıtýynsha, búginde uıymdasqan qylmystyq toptyń 18 múshesi ustalǵan. Sondaı-aq 21 adamnyń adam óltirý, urlyq, tonaý baptary boıynsha sottylyǵy bar bolyp shyqty.

"Olardyń arasynda "Dıkıı Arman" degen laqap atpen tanymal Arman Jumageldıev pen onyń tobynyń músheleri bar. Men bul aıyptalýshyǵa jeke toqtalamyn. Onyń qarýly adamdary kezdeısoq ótip bara jatqan adamdardyń arasynan 24 beıbit turǵyndy urlap ketip, kúshtep ustap otyrǵan. Olardy aldymen bir jerden ekinshi jerge aparyp, uryp-soǵyp, nátıjesinde bir adam qaza tapty. Sonymen qatar, qaraqshylar buǵan deıin 12-shi qalalyq aýrýhanada qatty soqqyǵa jyǵylǵan polıseıdiń qyzmettik qarýyn alyp ketken", - dedi Rızabek Ojarov Ortalyq komýnıkasıalar qyzmetinde ótken baspasóz máslıhatynda.

Onyń aıtýynsha, atalǵan fakt boıynsha qylmystyq is tergelip jatyr.

"Áleýmettik jelilerde Jumageldıev bosatyldy nemese belgisiz jaqqa jetkizildi degen túrli boljamdar men jalǵan aqparattar taralyp jatyr. İs qosymsha tergeý úshin arnaıy prokýrorlarǵa jiberildi. Biz ony UQK ýaqytsha ustaý ızolátoryna aýystyrdyq. Ol sonda qamaýda otyr", - dep qosty Arnaıy prokýrorlar qyzmetiniń basshysy.

Aıta keteıik, 2 aqpanda advokattar "Dıkıı" Armannyń tergeý ızolátorynan joǵalyp ketkenin málimdegen. Keıin Jumageldıevtiń basqa ızolátorǵa aýystyrylǵany anyqtaldy.

Eske salsaq, 7 qańtarda Almatydaǵy arnaıy operasıa barysynda "Dıkıı Arman" bastaǵan uıymdasqan qylmystyq toptyń alty múshesi ustalǵany habarlandy.

Qylmyskerlerden túrli marka men kalıbrli 4 jartylaı avtomatty tapansha, oq-dári, sýyq qarý men brondalǵan kólik tárkilendi. "Dıkıı Armandy" ustaý sátiniń sýretteri jarıalandy. Olarǵa qaraǵanda ustaý operasıasy qonaqúılerdiń birinde bolǵan.
Bul maqala týraly ne oılaısyz?