Tiri bolsam, qazaqqa qyzmet etpeı qoımaımyn!

Álıhan Bókeıhan

Ýkraınada Pýtınniń ókil ákesi ustaldy

13 sáýir 2022 99
 



Ýkraınanyń Qaýipsizdik qyzmeti eldegi eń iri partıalardyń biri «Opozısıalyq platforma – Ómir boıy» partıasynyń basshysy Vıktor Medvedchýkty ustady.

Bul týraly Ýkraına prezıdenti Vladımır Zelenskıı Telegram-da habarlady.
«Arnaıy SBÝ operasıasynyń arqasynda júzege asyryldy! Jaraısyń! Tolyǵyraq keıinirek» dep jazdy ol.

Reseı prezıdentiniń baspasóz hatshysy Dmıtrıı Peskov Medvedchýk myrzanyń ustalǵany týraly aqparatqa túsinikteme berý áli erte ekenin alǵa tartty.
«Qazir Ýkraınadan kóptegen jalǵan derekter kelip jatyr, Ýkraınada halyqaralyq PR agenttikteriniń ártúrli kómekshileriniń kómegimen kóptegen jalǵan ne kásibı emes aqparat qoldan jasalyp jatyr. Muny birden shyndyq dep qabyldaý durys emes» dep jaýap berdi Peskov kommersant.ru.basylymyna.

Keıin Vladımır Zelenskıı Vıktor Medvedchýkti ýkraındyq tutqyndarmen almastyrýdy usyndy.
«Men Reseı Federasıasyna bul jigitti Reseı ustap otyrǵan ýkraın tutqynyndarymen aıyrbastaýdy usynamyn. Bizdiń quqyq qorǵaý organdary men áskerılerdiń de bul múmkindikti qarastyrǵany mańyzdy» dedi Ýkraına prezıdenti.

Reseı prezıdenti Vladımır Pýtınniń ókil ákesi Vıktor Medvedchýkty Lvov qalasynyń Lychakovskıı aýdandyq soty memleketke opasyzdyq jasady degen aıyppen syrttaı qamaýǵa aldy. Ol 10 naýryzǵa deıin úıqamaqta bolýy kerek edi. Aqpan aıynda aıyptalýshy úıqamaqtan qashyp ketken.

Ýkraınanyń Bas prokýratýrasy Vıktor Medvedchýktyń Máskeýmen baılanysy «2014-2015 jyldardaǵy memlekettiń ekonomıkalyq qaýipsizdigine nuqsan keltirip, Ýkraınany energıa kózderin ártaraptandyrý múmkindiginen aıyrdy» dep málimdedi.





Derekkóz
Bul maqala týraly ne oılaısyz?