Ýkraınada "Pýtınge jaqyn" depýtat Vıktor Medvedchýk arnaıy operasıa barysynda ustaldy. Bul týraly Ýkraına prezıdenti Vladımır Zelenskıı habarlady. Aqpannyń sońynda reseıshil saıasatker úıqamaqtan qashyp ketken.
"Ýkraına qaýipsizdik kúshteri arnaıy operasıa ótkizdi! Jaraısyńdar" dep jazdy Zelenskıı. Ýkraına prezıdenti saıasatkerdi qalaı ustaǵany týraly málimet keıinirek jarıalanatynyn eskertti.
Kreml spıkeri Dmıtrıı Peskov Medvedchýktiń ustalǵanyna qatysty sýretti kórgenin, biraq onyń qanshalyqty ras ekenin aıta almaıtynyn TASS agenttigine málimdedi. Peskov sýretti tekserý kerek dep esepteıdi.
"Oppozısıonnaıa platforma – Za jızn" partıasy saıası keńesiniń tóraǵasy Vıktor Medvedchýk – Reseı prezıdenti Vladımır Pýtınmen tyǵyz baılanys ornatqan ýkraın saıasatkeri. 2004 jyly Vladımır Pýtın Medvedchýktiń kishi qyzy Darıaǵa ókil áke atanǵan.
19 aqpanda Medvedchýk pen onyń áıeli Oksana Marchenkonyń múlkine sanksıa jarıalandy.
Medvedchýk Ýkraınada memlekettik satty degen aıyppen táýlik boıy úıqamaqta otyrǵan, alaıda keıin ony baqylaýda ustaý ádisi ózgergen. 26 aqpanda Bas prokýratýra Ulttyq polısıaǵa Medvedchýktiń úımaqta bar-joǵyn tekserýdi tapsyrǵan, alaıda saıasatker ornynda bolmaı shyqqan.
