Tiri bolsam, qazaqqa qyzmet etpeı qoımaımyn!

Álıhan Bókeıhan

ROP dırektorynyń áıeli: İsti tergeýge bireý kedergi jasaýda

13 sáýir 2022 71
 


Óz-ózine qol jumsady degen «ROP Operator» JSHS basqarýshy dırektory Rýslannyń áıeli Lázzat Shámshıeva tergeý barysy týraly aıtty.
«Kúıeýimniń óz-ózine qol jumsaǵanyna eshqaısymyz senbeımiz! Buǵan basqa da kóptegen dálelder bar! Biraq oqıǵa ornynda bolǵan qyzmetkerler ústirt tekseris júrgizgen (tipti onyń qaı qyzmette bolǵanyn durys kórsetpegen)» dedi Lázzat Ulysmedia-ǵa.

Kelinshek jubaıy Rýslan Shámshıev qaıtys bolǵan kúndi esine aldy.
«Ol kúni kenje qyzymyz nebári 1 jas 10 aıǵa (Safıa), úlken qyzymyz 13 jasqa (Ámına) tolyp jatqan. Kenje qyzymyzǵa tusaý keser ótkizýge daıyndalyp jatqanbyz. Sol kúni tańerteń ony ádettegideı úlken qyzymmen jumysqa jáne mektepke shyǵaryp saldym. Ol: «Búgin «Jasyl Damýǵa» qujattardy tapsyrýdyń sońǵy kúni, men búgin úıge erte kelemin» dedi. Keshki asqa ne pisirý kerektigin talqyladyq. Mundaı qadamǵa baratyndaı eshteńe bolǵan joq» dedi Lázzat.

Onyń aıtýynsha, isti tergeýde kóptegen sáıkessizdikter bar.
«Men munyń artynda kim turǵanyn bilmeımin, biraq bári sozylyp ketti! Tergeý toby ol qaıtys bolǵannan keıin eki aı ótken soń, 28 naýryzda quryldy! Bireý aǵam ekeýmizge isti tergeýge bireýler aralasyp jatqanyn aıtty» deıdi ol.

Eske salsaq, 11 qańtarda prezıdent Qasym-Jomart Toqaev úkimetke ýtıl alymymen aınalysatyn «ROP operatorynyń» qyzmetin joıýdy tapsyrǵan. Onyń aıtýynsha, muny basqa elderdegideı memlekettik uıym atqarýy kerek.

Keıin úkimet «ROP Operator» JSHS qyzmetin toqtatyp, onyń fýnksıalaryn memlekettik uıymǵa tapsyrǵanyn habarlady. Sondaı-aq, sheneýnikter «qaıta óńdeý tólemi esebinen qurylǵan aktıvter memleket menshigine ótkenin» habarlady.

26 qańtarda polısıa Nur-Sultanda Shámshıevtiń óz-ózine qol jumsaǵanyn habarlady. Polısıa departamenti óz-ózine qol jumsaýǵa ıtermeleý baby boıynsha qylmystyq is qozǵady. Sol kúni Sybaılas jemqorlyqqa qarsy is-qımyl agenttigi ROP operatorynyń basshysy Medet Qumarǵalıev pen Ekologıa vıse-mınıstri Ahmetjan Pirimqulovtyń sybaılas jemqorlyqqa qatysy bar degen aıyppen ustalǵanyn habarlady. Ustalǵandardyń ekeýi de Qazaqstannan qashyp ketpek bolǵan kórinedi. Alaıda Qumarǵalıevtiń áıeli onyń elden ketýge nıeti joq ekenin málimdedi. 27 qańtarda sot Pirimqulov pen Qumarǵalıevti 2 aıǵa qamaýǵa alýdy sanksıalady.

11 naýryzda ROP operatorynyń burynǵy bas dırektorynyń qamaýǵa alynǵany týraly belgili boldy – ol 20 mlrd jymqyrdy degen kúdikke ilindi.




Derekkóz
Bul maqala týraly ne oılaısyz?