Tiri bolsam, qazaqqa qyzmet etpeı qoımaımyn!

Álıhan Bókeıhan

Ýkraına áskerine Qadyrovtyń kózin joıýǵa buıryq berildi

13 naýryz 2022 119

Sheshenstan basshysy Ramzan Qadyrovtyń Kıev mańynda ekeni rastalsa, Ýkraına qarýly kúshteri ony kózin joıýǵa buıryq beriledi.

Bul týraly 13 naýryzda ulttyq telemarafonnyń efırinde Ýkraına prezıdenti keńsesi basshysynyń keńesshisi Alekseı Arestovıch málimdedi.

13 naýryzda jelide Sheshenstan memlekettik arnasy Groznyı jarıalaǵan vıdeo paıda boldy: «Sheshenstan Respýblıkasynyń basshysy Ramzan Qadyrov arnaıy áskerı operasıaǵa qatysqan jaýyngerlermen birge  Ýkraınada».

Beıne suhbatta qol astyndaǵy qyzmetker Kıevten 7 shaqyrym jerdegi balalar úıin basyp alý operasıasy týraly habarlaıdy. Vıdeo naqty qaı jerde jáne qashan belgisiz qarańǵy jertólede túsirilgen.

– Qazir aqparattyń durys-burys emestigi tekserilip jatyr. Biraq ony keshe Groznyıda kórgeni týraly aqparat bar. Biraq bir kúnde Kıevtiń janynan kelýge bolady. Soǵan qaramastan onyń syrtqy túri eshteńeni sheshpeıdi. Aqparat ras bolsa, biz ony joıamyz.Eger aqparatty anyqtamasaq, kelesi joly joıamyz, – dedi Arestovıch.

Kadyrov_95 Telegram-arnasy «Eger Qadyrov shynymen de Kıevtiń janynda bolsa, Ýkraına Qarýly Kúshteri ony joıady – Arestovıch» degen taqyrypty qaıta jarıalap, «Nege «eger» deıdi? Vıdeony kórmediń be, álde esigińdi qaǵýym kerek pe?» delingen habarlamada.

Óz kezeginde Arestovıch bul usynysqa Facebook jelisinde: «Al, qaǵyp kórsin» dep jazdy.

Skrınshot: Alekseı Arestovıch / Facebook

Eske salsaq, Reseı prezıdenti Vladımır Pýtın Donbas respýblıkalary basshylarynyń úndeýine jaýap retinde arnaıy áskerı operasıa júrgizý týraly sheshim qabyldap, Ýkraınaǵa qarsy soǵys jarıalady. Alaıda Reseı basshysy Máskeýdiń josparynda Ýkraına aýmaqtaryn basyp alý joq ekenin aıtqan bolatyn.

2 naýryz kúni tańerteńgi jaǵdaı boıynsha Reseı áskeri 5840 adamnan aıyryldy. Sondaı-aq 60-tan astam ushaq pen tikushaq, 862 bronetransporter, 85 artılerıalyq júıe jáne basqa da kóptegen tehnıka joıyldy. 28 aqpandaǵy jaǵdaı boıynsha 352 beıbit turǵyn, onyń ishinde 16 bala qaza taýyp, 2040 adam jaraqat aldy.

Ýkraına prezıdenti Vladımır Zelenskıı Reseı áskeriniń shabýyldyń alǵashqy saǵattarynan bastap azamattyq ınfraqurylymǵa soqqy berip jatqanyn aıtty. Prezıdenttiń aıtýynsha, Reseı basqynshy áskerleriniń Ýkraınadaǵy áreketterinde genosıd belgileri bar.

27 aqpanda Ýkraına «basqynshylyqty aqtaý úshin genosıd uǵymyn burmalaǵany úshin Reseıdi jaýapqa tartýdy» talap etip, Halyqaralyq sotqa Reseıge qarsy shaǵym túsirdi. Reseıdiń Ýkraınaǵa basyp kirýine qatysty tergeýdi Halyqaralyq qylmystyq sottyń prokýrory Kárim Hannyń ózi bastady.



Derekkóz
Bul maqala týraly ne oılaısyz?