Almatyda ustalǵan Qaırat Satybaldy Nursultan Nazarbaevtyń nemere inisi, sońǵy jyldary kásipker retinde tanylǵan.
QazTAG habarlaýynsha, ol kásipkerlikpen birge uzaq jyldar arnaıy qyzmette jumys istegen.
Qaırat Satybaldy – Qazaqstannyń tuńǵysh prezıdenti Nursultan Nazarbaevtyń aǵasy Satybaldy Nazarbaevtyń uly. Satybaldy Nazarbaev 1981 jyly jol apatynan qaza tapqan. Qaırat Satybaldynyń anasy Svetlana Nazarbaeva «Dáýir» baspasynyń bas dırektory. Qaırat Satybaldynyń inisi Samat Ábish qańtar aıynyń basyndaǵy qaıǵyly oqıǵadan keıin QR Ulttyq qaýipsizdik komıteti (UQK) tóraǵasynyń birinshi orynbasary qyzmetinen bosatylǵan.
Qaırat Satybaldynyń ózi de uzaq jyldar arnaıy qyzmette qyzmet etken:
- 1991-1998 jyldary UQK-de ofıser;
- 1998-2000 jyldary Astana qalasy ákiminiń orynbasary;
- 2000-2003 jyldary «Qazaq munaı» ulttyq kompanıasynyń vıse-prezıdenti;
- 2003-2005 jyldary qaıtadan UQK-de basshylyq qyzmetterdi atqardy;
- 2005-2006 jyldary birden «Qazaqstan temir joly» Ulttyq kompanıasy» AQ-na ketip, vıse-prezıdent qyzmetin atqardy.
- 2006-2010 jyldary «Dúnıe» korporasıasy» AQ dırektorlar keńesiniń tóraǵasy;
- 2010-2015 jyldary «Nur Otan» partıasynyń hatshysy;
- 2015 jyldan bastap ol Alatau Capital Invest basqarýshy seriktesi retinde tirkelgen.
Sonymen birge ol Qazaqstannyń ulttyq sport túrleri qaýymdastyǵyn, halyqaralyq «Kók-bórú» federasıasyn jáne respýblıkalyq «Aq Orda» qozǵalysyn basqarady.
Keıbir málimetterge sáıkes, Qaırat Satybaldy ustalǵan qarjy jymqyrý isi boıynsha «Qazaqtelekom» AQ barlyq aksıalarynyń 22,01%-yna ıelik etetin Skyline Investment Company S.A. ofshorlyq kompanıasyna ıelik etedi. Sondaı-aq onyń 2018 jylǵa deıin Kaspi Bank-tiń iri úlesine ıe bolǵany belgili.
Aıta ketsek, Qazaqstandyq halyqaralyq adam quqyqtary jáne zańdylyq búrosynyń saıtynda 2010 jylǵy 11 qarashadaǵy «Qazaqstan: bıliktegi «salafıtter»» materıaly jarıalanǵan, onda Satybaldy salafızmniń mesenaty dep atalady.
«Memleket basshysynyń týysy toqsan saıyn «Sáláfıler» qoryna 50 myń dollar aýdaryp turady. Onyń ústine Satybaldyǵa jaqyn adamdardyń aıtýynsha, jazda Almaty oblysynyń Qushshy aýylynda sáláfılerge arnap taǵy bir meshit salyp bergen» delingen maqalada.
Eske salsaq, Satybaldy qyzmettik ókilettigin asyra paıdalaný jáne asa iri kólemde «Qazaqtelekom» AQ qarjysyn jymqyrý faktileri boıynsha ustalyp, ýaqytsha ustaý ızolátoryna qamaldy. Satybaldynyń memleket qaýipsizdigine nuqsan keltiretin basqa da qylmystarǵa qatystylyǵy da qazir tekserilip jatyr.
Derekkóz
