Tiri bolsam, qazaqqa qyzmet etpeı qoımaımyn!

Álıhan Bókeıhan

Nursultan Nazarbaevtyń ushaǵy Túrkıadan ázirge qaıtqan joq

14 naýryz 2022 90
[ad_1]



Túrkıanyń Antalıa qalasyna dıplomatıalyq forýmǵa Nursultan Nazarbaevty alyp barǵan ushaq ázirge Qazaqstanǵa qaıtqan joq. Ushaq reısterin baqylaıtyn Radarbox caıtynyń málimetine qaraǵanda, Nazarbaevqa tıesili Airbus 330-243 ushaǵy 4 kún buryn Antalıa áýejaıyna qonǵan soń qaıtyp ushpaǵan.


Dıplomatıalyq forým 11 naýryzda bastalyp, keshe aıaqtalǵan. Forým baǵdarlamasy boıynsha sońǵy kúnniń jumysy Túrkıa ýaqytymen túski saǵat 12-de bitken.


Baspasóz hatshysy Aıdos Úkibaı tvıtterde eks-prezıdenttiń Túrkıaǵa prezıdent Rejep Taıyp Erdoǵannyń shaqyrýymen barǵanyn jazǵan. Jıynnyń alǵashqy kúni Erdoǵan Nazarbaevty jeke qabyldap, kezdeskeni habarlandy.


Biraq eks-prezıdenttiń forýmda resmı sóz sóılegen-sóılemegeni belgisiz. Ári forýmnyń resmı saıtynda qatysýshylar tizimindegi 209 adamnyń ishinde Nazarbaevtyń aty-jóni joq.


Nazarbaev bılikten ketkenge deıin de, keıin de UP-A3001 bort nómirimen tirkelgen ushaqpen ushyp júr. 2019 jyly Azattyq N1 borttyń prezıdent Toqaevqa berilmegenin zerttegen. Zertteý shyqqan soń reısterdi baqylaý saıttaryndaǵy memlekettik "Búrkit" áýe kompanıasynyń ushaqtary jaıly derek buǵatqa qoıylǵan.


13 naýryzda Qazaqstannyń sybaılas jemqorlyqpen kúres agenttigi Nazarbaevtyń nemere inisi Qaırat Satybaldynyń qamaýǵa alynǵanyn habarlady. Satybaldy "Qazaqtelekomnyń" qomaqty qarjysyn jymqyrdy jáne qyzmettik ókiletin asyra paıdalandy" degen kúdikke ilingen. Qaırat Satybaldy – Qazaqstannyń burynǵy prezıdenti Nursultan Nazarbaevtyń nemere inisi.






[ad_2]

Derekkóz
Bul maqala týraly ne oılaısyz?