Jeksenbi kúni Túrkistan óńirinen Atyraý oblysynyń Qulsary qalasyna «Qasıetti Túrkistannan Qulsaryǵa» atty alǵashqy gýmanıtarlyq júk kóligi attandy.
Aksıaǵa Túrkistan oblysynyń turǵyndary qatysyp, jylý jınady. «Ádildik jáne Órkendeý» Qoǵamdyq qory gýmanıtarlyq júkti jiberýge qarjylaı qoldaý kórsetti.
Aksıaǵa Túrkistan oblysynyń turǵyndary qatysyp, jylý jınady. «Ádildik jáne Órkendeý» Qoǵamdyq qory gýmanıtarlyq júkti jiberýge qarjylaı qoldaý kórsetti.
«Bizdiń belsendiler zardap shekken aımaqtarmen únemi baılanysta. Turǵyndar arasynda júrgizilgen saýalnama arqyly biz gýmanıtarlyq kómektiń naqty tizimin anyqtadyq. Qulsarylyqtarǵa azyq-túlik, gıgıenalyq jáne turmystyq zattar, kúrekter jáne qazandyqtar jınadyq. Sondaı-aq arnaıy kıimder men batpaq keshýge arnalǵan rezeńke etikter jiberildi. Júktiń jalpy salmaǵy 30 tonnany qurady», - dep bólisti qoǵam belsendileri.
Qor ókilderiniń aıtýynsha, sý tasqynynan zardap shekken aýdandarǵa gýmanıtarlyq kómek jetkizý jalǵasady. Bul «Ádildik jáne Órkendeý» Qoǵamdyq qorynyń óńirlerdi qalpyna keltirý ortaq isine qosqan úlesi jáne qıyn jaǵdaıǵa tap bolǵan qazaqstandyqtardy qoldaýǵa baǵyttalǵan qadam.
